ایاز صدیقی محوِ کرم ہے چشمِ پیمبر ، کہے بغیر

[مہ جبین]

محوِ کرم ہے چشمِ پیمبر، کہے بغیر​

" ظاہر ہے میرا حال سب اُن پر کہے بغیر"​

​

کہنے کے باوجود جو دنیا نہ دے سکے​

ملتا ہے اُن کے در سے برابر ، کہے بغیر​

​

مہر و مہ و نجوم ازل سے ہیں کاسہ لیس​

جاری ہے اُن کے نور کا لنگر ، کہے بغیر​

​

اللہ رے اوج ، آپ کی تعظیم کے لئے ​

جھکتا ہے آسمان زمیں پر، کہے بغیر​

​

ملتی ہے بِن کہے شہِ لوح و قلم سے بھیک​

کھلتا ہے اُن کے لطف کا دفتر ، کہے بغیر​

​

سرکار کی عطا میں صدا کا گزر نہیں ​

کردیتے ہیں گدا کو تونگر ، کہے بغیر​

​

قادر ایاز صنفِ سخن پر سہی مگر​

بنتی نہیں ہے نعتِ پیمبر کہے بغیر​

​

ایاز صدیقی​

​

​

 

[فرحت کیانی]

ملتی ہے بِن کہے شہِ لوح و قلم سے بھیک
کھلتا ہے اُن کے لطف کا دفتر ، کہے بغیر
واہ۔ سبحان اللہ۔
جزاک اللہ۔

 

[سید زبیر]

سرکار کی عطا میں صدا کا گزر نہیں
کردیتے ہیں گدا کو تونگر ، کہے بغیر

سبحان اللہ ۔۔۔۔ کیسا خوبصورت کلام ہے ۔ جزاک اللہ شئیر کرنے کا​