مجروح سلطانپوری : یہ رُکے رُکے سے آنسو، یہ دبی دبی سی آہیں

[سید زبیر]

​

یہ رُکے رُکے سے آنسو، یہ دبی دبی سی آہیں​

یونہی کب تلک خدایا، غم زندگی نباہیں​

​

کہیں ظلمتوں میں گھِر کر، ہے تلاشِ دست رہبر​

کہیں جگمگا اُٹھی ہیں مرے نقشِ پا سے راہیں​

​

ترے خانماں خرابوں کا چمن کوئی نہ صحرا​

یہ جہاں بھی بیٹھ جائیں وہیں ان کی بارگاہیں​

​

کبھی جادۂ طلب سے جو پھرا ہوں دل شکستہ​

تری آرزو نے ہنس کر وہیں ڈال دی ہیں بانہیں​

​

مرے عہد میں نہیں ہے، یہ نشانِ سر بلندی​

یہ رنگے ہوئے عمامے یہ جھکی جھکی کُلاہیں​

​

مجروح سلطان پوری​

 

[طارق شاہ]

​

یہ رُکے رُکے سے آنسو، یہ دبی دبی سی آہیں​

یونہی کب تلک خدایا، غمِ زندگی نباہیں​

​

کہیں ظلمتوں میں گھِر کر، ہے تلاشِ دست رہبر​

کہیں جگمگا اُٹھی ہیں مِرے نقشِ پا سے راہیں​

​

تِرے خانماں خرابوں کا چمن کوئی نہ صحرا​

یہ جہاں بھی بیٹھ جائیں وہیں ان کی بارگاہیں​

​

کبھی جادۂ طلب سے جو پھرا ہُوں دل شکستہ​

تِری آرزو نے ہنس کر وہیں ڈال دی ہیں بانہیں​

​

مِرے عہد میں نہیں ہے، یہ نشانِ سر بلندی​

یہ رنگے ہوئے عمامے یہ جھکی جھکی کُلاہیں​

​

مجروح سلطان پوری​

سید صاحب! بہت لاجواب انتخاب،
تشکّر شیئر کرنے پر
بہت خوش رہیں