مبارکباد کے اشتہارات پر پابندی

[محسن حجازی]

زرداری نے مبارکباد کے سرکاری اشتہارات کی اشاعت پر پابندی لگا دی​

اسلام آباد ( نمائندہ جنگ) نومنتخب صدر مملکت اور پاکستان پیپلزپارٹی کے شریک چیئرمین آصف علی زرداری نے تمام وزارتوں‘ ڈویژنوں اور حکومتی اداروں کی طرف سے انہیں منتخب ہونے پر مبارکباد کے اشتہارات پر پابندی عائد کردی ہے۔نومنتخب صدر نے کہا ہے کہ قومی خزانے سے مبارکباد کے اشتہارات کی اشاعت سرکاری وسائل کا بیجا استعمال ہے اس عمل کو فوری روک دیا جائے۔ دریں اثناء اے پی پی کے مطابق نو منتخب صدر کی ہدایت کے بعد حکومت سندھ نے تمام صوبائی محکموں کو ہدایت کی ہے کہ آصف زرداری کی کامیابی پر مبارک باد کے اشتہارات اور پیغامات ٹی وی چینلز اور اخبارات کو جاری نہ کئے جائیں۔ پیر کو صوبائی حکومت کی طرف سے جاری ہدایات میں کہا گیا ہے کہ نومنتخب صدر نے مبارکباد کے اشتہارات کا سختی سے نوٹس لیا ہے اور کہا ہے کہ پاکستان غریب ملک ہے اور ایسی فضول خرچی سے گریز کیا جائے۔

اصل خبر

اس پر ہم یہی تبصرہ کر سکتے ہیں کہ کچھ بدلے بدلے میرے سرکار نظر آتے ہیں۔
بہت اچھا قدم ہے جسے سراہا جانا چاہئے۔ آج کے اخبارات میں مجھے کوئی مبارکباد کا اشتہار بھی نظر نہیں آیا۔
اللہ مزید نیک نامی اور نیک اعمال زرداری صاحب کا مقدر کرے۔

 

[عمار ابن ضیا]

یہ قدم واقعی لائقِ تحسین ہے اور سب سے پہلا حکم بھی متاثر کن تھا جو سندھ حکومت نے آصف علی زرداری کے صدر منتخب ہونے کی خوشی میں سندھ بھر میں سوموار کی چھٹی کا اعلان کیا تھا تو زرداری صاحب نے از خود نوٹس لے کر کہا تھا کہ ملک کو زیادہ پڑھائی اور کام کی ضرورت ہے، چھٹیوں کی نہیں لہذا چھٹی منسوخ کردی گئی۔

خبر

تو بھائیو! جیسا کہ اکبر الہ آبادی نے کہا تھا، امید اچھی، خیال اچھا رکھو۔۔۔ ہوجائیں گی سب مشکلیں آسان تمہاری، اکبر اللہ پر بھروسہ رکھو۔۔۔ تو ایسا ہی کچھ رویہ اپنائیں۔ مجھے امید ہے کہ آصف علی زرداری کو اندازہ ہے کہ ان کے پاس خود کو بہترین لیڈر ثابت کرنے اور اپنے اوپر لگے الزامات کو غلط ثابت کرنے کا یہ بہترین موقع ہے اور وہ اسے گنوائیں گے نہیں۔ عوام کے لیے بہتری کے اقدمات کیے جائیں گے ان شاء اللہ!

 

[زینب]

میٹھی گولی ہے۔۔۔۔چپ چاپ کھا لو۔۔۔۔۔۔۔پہلے میٹھا کھلائے گا نا تاکہ بعد میں کڑوا کم محسوس ہو

 

[ابوشامل]

دفتر میں میرے ایک ساتھی نے اس خبر پر یہ تبصرہ کیا ہے:
آصف زرداری: "ارے! یہ اخبار والوں کو کیوں دے کر پیسہ ضائع کر رہے ہو، براہ راست میرے پاس بھیج دو، سمجھے؟"
میرا تبصرہ:

 

[ابو کاشان]

اس پر ہم یہی تبصرہ کر سکتے ہیں کہ کچھ بدلے بدلے میرے سرکار نظر آتے ہیں۔
بہت اچھا قدم ہے جسے سراہا جانا چاہئے۔ آج کے اخبارات میں مجھے کوئی مبارکباد کا اشتہار بھی نظر نہیں آیا۔
اللہ مزید نیک نامی اور نیک اعمال زرداری صاحب کا مقدر کرے۔​

پہلے چھٹی کی منسوخی
پھر گورنر پنجاب کے مخالف بیان بازی پر پابندی
اب مبارکباد کے اشتہارات

اللہ کرے یہ وہ پہلے والا مسٹر 10% نہ ہو۔
اگر نیت میں اخلاص ہے تو اے اللہ سے قائم و دائم رکھ۔ اور عوام کے دکھوں کا کمی کر۔ اٰمین۔​

 

[امکانات]

عالی جاہ نے یہ نیک کام اس لیے کیا تا کہ ان کی جو ساکھ ان کی بیان بازیوں سے خراب ہو چکی ہے اسے بحال کر سکیں برسوں کی بگڑی ساکھ ایک کام سے بحال نہیں ہوتی بلکہ اس کام سے اخبارات والوں کاپیٹ کٹ کر رہ گیا یہ کسی کو معاف نہیں کر تے زرداری صاحب نے مبارک باد کے اشتہارات روک کر اخباری مالکان کے سامنے اپنی ساکھ ضرور خراب کر لی ہے

 

[arifkarim]

زرداری نے مبارکباد کے سرکاری اشتہارات کی اشاعت پر پابندی لگا دی​

پیر کو صوبائی حکومت کی طرف سے جاری ہدایات میں کہا گیا ہے کہ نومنتخب صدر نے مبارکباد کے اشتہارات کا سختی سے نوٹس لیا ہے اور کہا ہے کہ پاکستان غریب ملک ہے اور ایسی فضول خرچی سے گریز کیا جائے۔

الیکشن کیمپین کیلئے تو عوام کا سارا لوٹا ہوا پیسا لگا دیا، اور اب جبکہ صدر بن گئے ہیں تو کہتے ہیں کہ فضول خرچی ہے! کیا یہ کھلا تضاد نہیں؟!

 

[قیصرانی]

میرا تبصرہ اس کالم کی آخری دو سطریں ہیں۔ اس سے زیادہ کیا کہوں‌