عشق کیسا کہ بھروسہ بھی نہیں تھا شاید

[Wasiq Khan]

عشق کیسا کہ بھروسہ بھی نہیں تھا شاید​

اس سے میرا کوئی رشتہ بھی نہیں تھا شاید​

خلقتِ شہر میں جس ہار کے چرچے ہیں بہت​

میں وہ بازی کبھی کھیلا بھی نہیں تھا شاید​

زیست کرنے کے سب آداب اُسے ازبر تھے​

مجھ کو مرنے کا سلیقہ بھی نہیں تھا شاید​

خاک اُڑاتے ہوئے بازاروں میں دیکھا سب نے​

... میں کبھی گھر سے نکلا بھی نہیں تھا شاید​

اُس کی آنکھوں میں بشارت تھی نئے خوابوں کی​

میں اُسے دیکھ کے چونکا بھی نہیں تھا شاید​

ایک بادل کہ میرے نام سے منسُوب ہوا​

میرے صحرا میں تو برسا بھی نہیں تھا شاید​