مہ جبین
محفلین
عشقِ رسول ایاز ! " خدا سے سوا " نہ مانگ
جو قابلِ قبول نہ ہو وہ دعا نہ مانگ
آقا کی اک نظر ہی بہت ہے تِرے لئے
اے قلبِ کم عیار ! طلب سے سوا نہ مانگ
ملتا ہے اُن کے در سے تو بن مانگے بے بہا
اے کم سواد ! مدحِ نبی کا صلہ نہ مانگ
موجِ ہوا سے خاکِ مدینہ طلب نہ کر
اے دل جنابِ خضر سے آبِ بقا نہ مانگ
اُن کا مریض ہے تو کسی چارہ ساز سے
تسکینِ جاں ، دوائے دلِ مبتلا نہ مانگ
دربارَ ایزدی میں نہ ہوگی کبھی قبول
نادان ! بے وسیلہء آقا دعا نہ مانگ
درکار اگر ہے دولتِ تسکینِ دل ایاز
کچھ اور جز غمِ شہِ ارض وسما نہ مانگ
ایاز صدیقی