شکوہ/جوابِ شکوہ - علامہ ڈاکٹر عظیم الدین احمد

[حسان خان]

شکوہ​

​

ہے ایک دن کا ماجرا​

کوئی نہ تھا خود کے سوا​

​

تھا چار سو محشر بپا​

تخئیل کا، جذبات کا​

​

تھی بے رخی احباب کی​

اُس پر کمی اسباب کی​

​

سمجھا جسے ہمدرد تھا​

دل میں نہ اُس کے درد تھا​

​

بے چارگی کی حد نہ تھی​

گھیرے ہوئے تھی مفلسی​

​

اپنوں کی بے پروائیاں​

غیروں کی صف آرائیاں​

​

یہ سارے ساماں رنج کے​

آنکھوں کے آگے پھر گئے​

​

دل کا عجب عالم ہوا​

لب تک یہ نالہ آ گیا​

​

اے بانئ رحم و کرم​

اللہ! یہ سارے ستم​

​

اور ایک مشتِ خاک پر​

​

جوابِ شکوہ​

​

آئی ندا یہ غیب سے​

تو اور یوں شکوہ کرے​

​

دنیا کا ہے عالم یہی​

عشرت کبھی عُسرت کبھی​

​

ہے مخملی بستر کبھی​

ہے خشت زیرِ سر کبھی​

​

محلوں کی آسائش کبھی​

صحرا کی پیمائش کبھی​

​

رنج و محن، عیش و خوشی​

ہے چار دن کی چاندنی​

​

سب کو فنا! سب کو فنا!!​

ہے ذاتِ باری کو بقا​

​

واقف جو ہو اِس راز کا​

مطرب جو ہو اِس ساز کا​

​

رنج و خوشی یکساں اُسے​

یہ آگہی اُس کے لئے​

​

مرہم دلِ صد چاک پر​

​

(علامہ ڈاکٹر عظیم الدین احمد)​

 

[تلمیذ]

عمدہ!!

 

[سید زبیر]

بہت خوب