شبداں دا مطلب

[الف نظامی]

پنجابی کتابیات جلد 1 وچ فارسی رسم الخط وچ چھپیاں پنجابی کتاباں دی گنتی ساڈھے باراں ہزار اے۔ دوجی جلد وچ وی جے اینیاں ای کتاباں ہو جان ، کھوج دے اٹھاراں سو قلمی نسخیاں نوں رلا کے ایہہ گنتی کوئی ستائی اٹھائی ہزار بن جاندی اے۔ جے ایہہ کم ودھ وسائل نال کیتا جاوے تے ایہہ گنتی پنجاہ ہزار تیکر وی اپڑ سکدی اے۔ فیر اخباراں تے رسالے گنن گوچرے نہیں۔
اُتے لکھے جملے وچ " گنن گوچرے " دا کیہ مطلب اے؟

 

[الف نظامی]

پنجابی کتابیات جلد 1 وچ فارسی رسم الخط وچ چھپیاں پنجابی کتاباں دی گنتی ساڈھے باراں ہزار اے۔ دوجی جلد وچ وی جے اینیاں ای کتاباں ہو جان ، کھوج دے اٹھاراں سو قلمی نسخیاں نوں رلا کے ایہہ گنتی کوئی ستائی اٹھائی ہزار بن جاندی اے۔ جے ایہہ کم ودھ وسائل نال کیتا جاوے تے ایہہ گنتی پنجاہ ہزار تیکر وی اپڑ سکدی اے۔ فیر اخباراں تے رسالے گنن گوچرے نہیں۔
اُتے لکھے جملے وچ " گنن گوچرے " دا کیہ مطلب اے؟

گوچر ۔ گوچرا۔ گوچری ۔ گوچرے (صفت)
کسی پر منحصر ، کسی کے آسرے۔ لائق ، بس میں ، کسے جوگا ، واسطے
گنن گوچرا (قابلِ شمار)
فیر اخباراں تے رسالے گنن گوچرے نہیں: پھر اخبارات اور رسائل قابلِ شمار نہیں

 

[الف نظامی]

ہاشم شاہ : حیاتی تے کلام
ہاشم دا ناں لیندیاں ای دوہڑے یاد آ جاندے نیں۔ ہاشم اصل وچ دوہڑے یا چومصرعے دا شاعر اے جیہڑے اوہدی ساری شاعری وچ پردھان بنتر دے طور تے پلا کھلاری بیٹھے نیں۔
سوما: نتاراں از ڈاکٹر شہباز ملک صفحہ 196

اینہاں شبداں دا کیہ مطلب اے؟
پردھان بنتر:
پلا کھلاری بیٹھے نیں:

 

[الف نظامی]

حاجی محمد نوشہ گنج بخش (1552ء - 1654ء) دی نثر نوں پنجابی دی اولین نثر کہیا جاندا اے۔

تھلے اونہاں دے مواعظ وچوں تریجے وعظ دے چند جملے نمونے دے طور تے لکھے نیں:

مواعظِ نوشہ : تریجا وعظ
بابا ! جے توں واٹ سچی سِدھی سَوَلّی سوکھی سائیں والیاں دی ملیں ، تاں کدی نہ تُھڑیں تے کدی نہ تھِڑیں ، پر ایہ واٹ سائیں والیاں نال مِلیاں ، سچے ساتھ رلیاں ، سچیاں گلیاں سُنیاں ، سچیاں دے آکھے لگ ٹریاں چلیاں لبھدی اے۔ ایویں سُکھالی ناہیں لبھدی تے ایہہ جو لوک ہور بھُلے بھرمی ہوئے اپنی کُسمجھی نال ٹھبکدے ڈولدے رولدے پھر دے ہین ، سے دُھر دے لکھے نال گھتھے ہوئے ہین۔ تے گھنیاں بھکویاں دے مونھ آئے ہوئے ہین۔ایہناں نوں کائی سار سُدھ ناہیں ایہہ ایویں ٹھبکدے آئے تے ٹھبکدے جاوندے نیں۔

ایس نثر وچ ورتے کُجھ شبداں دا مطلب دسیو جی۔
واٹ:
سَوَلّی:
تُھڑیں:
تِھڑیں:
بھُلے بھرمی:
کُسمجھی:
ٹھبکدے ڈولدے رولدے:
دُھر:
گھتھے:
گھنیاں بھکویاں:
سار سُدھ: