سندھ میں پھیلنے والی خسرہ کی وبا کیخلاف پاک فوج نے مہم شروع کر دی اس سلسلے میں مختلف سرحدی علاقوں کے بعد بدین کے نواحی قصبے میں بھی مفت میڈیکل کیمپ کا انعقاد کیا گیا سندھ میں خسرہ کی وبا نے معصوم بچوں کو نہ صرف کملا کر رکھ دیا ہے بلکہ سیکڑوں کی زندگی بھی چھین لی ہے اسی جان لیوا وبا کی روک تھام کے لئے پاکستان آرمی حیدرآباد گیریژن کی جانب سے ضلع بدین کے قصبے شادی لارج میں طبی کیمپ کا انعقاد کیا گیا جہاں پاک آرمی کے ماہر ڈاکٹروں نے نہ صرف بچوں کا طبی معائنہ کیا بلکہ ایک سو سے زائد بچوں کی ویکسی نیشن بھی کی۔لیفٹیننٹ کرنل تنویر کا کہنا ہے کہ امن ہو یا جنگ پاک فوج اپنی قوم کے ساتھ ہے اور اب خسرہ کی وبا نے تشویشناک صورتحال اختیار کی ہے تو پاک فوج اپنا کردار ادا کر رہی ۔لیفٹیننٹ کرنل ہدایت اللہ خسرہ کی وبا ہے ایسے میں پاک فوج نے سندھ میں کیمپ لگا کر بچوں کی مفت طبی سہولیات فراہم کی ہیں۔جدید سہولیات سے آراستہ میڈیکل یونٹ میں معصوم بچوں کے علاوہ مختلف امراض میں مبتلا خواتین اور مردوں کا علاج معالجہ بھی کیا گیا طبی کیمپ کے انعقاد کو مقامی افراد کی جانب سے سراہا گیا۔علاقے کی خواتین کا کہنا ہے کہ اس چھوٹے علاقے میں یہ کیمپ لگایا گیا ہمیں بہت خوشی ہے اور فائدہ ہے،غریب لوگ ہیں کراچی حیدرآباد نہیں جا سکتے پاک فوج نے کیمپ لگایا ہے سب علاج ہو رہا ہے۔پاک فوج کی جانب سے دور دراز کے علاقے میں اس طبی کیمپ کے انعقاد کو مقامی افراد نعمت بھی قرار دیا گیا ہے۔