زمانہ ڈھونڈ رہا ہے کوئی نیا شبّیر - مولانا کوثر نیازی

[السید کامل عباس الجعفري]

دل و دماغ میں مہر و وفا کے افسانے​

تصورات میں روشن فضائے بدر و حُنین​

​

خوشا یہ اوجِ مقدر، زہے یہ عز و شرف​

مری زباں پہ جاری ہے آج ذکرِ حُسین​

​

نہ فکر سود و زیاں کی، نہ ذکرِ تیغ و تبر​

حُسین، راہِ خدا میں تری یہ بے تابی​

​

بہار گلشنِ اسلام میں پلٹ آئی​

کہ تیرے خون سے قائم ہے اس کی شادابی​

​

کہیں بھی اہلِ محبت کی تشنگی نہ بجھی​

فرات و نیل کے ساحل سے تا بہ گنگ و جمن​

​

برائے لالہ و گل اجنبی ہے فصلِ بہار​

خزاں کے دستِ تصرف میں آگیا ہے چمن​

​

ہر ایک سمت میں عفریت ظلم کے رقصاں​

خدا کے دین کا حلقوم ہے تہِ شمشیر​

​

نئے یزید، نئی کربلا ہوئی پیدا​

زمانہ ڈھونڈ رہا ہے کوئی نیا شبّیر​

 

[زبیر مرزا]

​

بہار گلشنِ اسلام میں پلٹ آئی​

کہ تیرے خون سے قائم ہے اس کی شادابی​

​

سبحان اللہ جزاک اللہ​

اللہ تعالٰی آپ کو خیرکثیرعطا فرمائے اور آپ کی عمرمیں علم میں رحمتیں اوربرکتیں شامل فرمائے​

 

[مدیحہ گیلانی]

سلامتی اور خیر ہو . .سبحان اللہ .۔ عمدہ انتخاب ہے ۔

 

[نایاب]

سبحان اللہ
نئے یزید، نئی کربلا ہوئی پیدا​

زمانہ ڈھونڈ رہا ہے کوئی نیا شبّیر​