رائے ونڈ‘ پیپلز پارٹی انسانی حقوق ونگ کے سیکرٹری اطلاعات نے استعفیٰ دیدیا

[ایم اسلم اوڈ]

پاکستان پیپلز پارٹی انسانی حقوق ونگ رائے ونڈ سٹی کے سیکرٹری اطلاعات شیخ سعید افضل نے پارٹی قیادت کی بے حسی اور ناکام پالیسیوں سے تنگ آکر اپنے عہدے سے استعفیٰ دے دیا۔صحافیوں سے گفتگو کرتے ہوئے شیخ سعید افضل نے کہا کہ پیپلز پارٹی میں جو مقام شہید بھٹو دورمیں ورکرز کو ملا آج اسکا فقدان ہے پارٹی قیادت جیالوں کے جنازوں میں شرکت کرنا گوارا نہیں کرتے ہر پارٹی عہدیدار دیہاڑی کے چکر میں مصروف ہے ‘ملک وقوم کی فکر سے آزاد پارٹی سے بہتر ہے کہ ہم اپنے گھروں میں بیٹھ جائیں ۔ایک سوال کے جواب میں انہوں نے کہا کہ انسانی حقوق کے عالمی دن کے موقع پر استعفیٰ دینے کا مقصد پارٹی قیادت کے ضمیر کو جھنجوڑنا ہے کہ آج ورکر زکن حالات سے گزر رہا ہے ‘پارٹی قیادت بے خبر ہے مال روڈ پر مار کھانے والے گھروں میں بیٹھے ہوئے ہیں جبکہ فوٹو سیشن مافیا اقتدار کے مزے لوٹ رہا ہے ۔انہوں نے کہا کہ رائے ونڈ جو پیپلز پارٹی کاگڑھ تھا آج قیادت کی نااہلی اور غفلت کی وجہ سے گڑھا بن چکا ہے‘ میرا استعفیٰ بارش کا پہلا قطرہ ثابت ہوگا پارٹی قیادت سے ناراض ارکان کے استعفوں کی لمبی لائن لگ جائے گی ۔

http://www.lahoreupdates.com/u/inde...13-17-53&catid=6:2010-10-29-15-20-54&Itemid=5