مومن دیدہ حیراں نے تماشا کیا

[سید شہزاد ناصر]

دیدہ حیراں نے تماشا کیا​

دیر تلک وہ مجھے دیکھا کیا​

​

ضبط فغاں گو کہ اثر تھا کیا​

حوصلہ کیا کیا نہ کیا، کیا کیا​

​

انک نہ لگنے سے سب احباب نے​

آنکھ کے لگ جانے کا چرچا کیا​

​

مر گئے اس کے لب جاں بخش پر​

ہم نے علاج آپ ہی اپنا کیا​

​

غیر عیادت سے برا مانتے​

قتل کیا آن کے اچھا کیا​

​

جاے تھی تیری میرے دل میں سو ہے​

غیر سے کیوں شکوۂ بے جا کیا​

​

رحم فلک اور مرے حال پر​

تو نے کرم اے ستم آرا کیا​

​

مومن دشمن ہی رہے بت سدا ​

مجھ سے مرے نام نے یہ کیا کیا​

 

[محمد وارث]

واہ کیا ہی اچھی غزل ہے۔ شکریہ جناب ارسال فرمانے کیلیے

 

[سید زبیر]

بہت خوب ۔ ہر شعر لاجواب

 

[مدیحہ گیلانی]

عمدہ انتخاب ہے محترم ۔سلامت رہیں ۔

 

[عمراعظم]

خوبصورت کلام سے روشناس کرانے کا شکریہ سید شہزاد ناصر صاحب۔

 

[فاتح]

واہ واہ خوبصورت انتخاب
جناب سید شہزاد ناصر صاحب! بہت شکریہ