ایاز صدیقی دل کو آئینہ دیکھا ، ذہن کو رسا پایا..... ایاز صدیقی

[مہ جبین]

دل کو آئینہ دیکھا ، ذہن کو رسا پایا​

ہم نے اُن کی مدحت میں زیست کا مزہ پایا​

​

بے وسیلہء احمد زندگی نے کیا پایا​

آہ بے اثر دیکھی نالہ نارسا پایا​

​

جس طرف نظر اٹھی آپ ہی نظر آئے​

سایہ افگنِ عالم دامنِ عطا پایا​

​

راستے کے پتھر ہوں یا سخن کے نشتر ہوں​

آپ کو بہر عالم پیکرِ رضا پایا​

​

کون عرشِ اعظم پر آپ کے سوا پہنچا​

کس نے سارے نبیوں میں ایسا مرتبہ پایا​

​

رحمتِ دوعالم سے ہم نے جب کبھی مانگا​

ظرف سے سوا مانگا ، مانگ سے سوا پایا​

​

مرحبا ایاز اُن پر لطفِ خالقِ اکبر​

تاجِ کُن فکاں سر پر ، عرش زیرِ پا، پایا​

​

​

ایاز صدیقی​

 

[سید زبیر]

سبحان اللہ ۔۔۔۔۔۔کیا بات ہے
رحمتِ دوعالم سے ہم نے جب کبھی مانگا
ظرف سے سوا مانگا ، مانگ سے سوا پایا
بہت عمدہ کلام

 

[حسیب نذیر گِل]

رحمتِ دوعالم سے ہم نے جب کبھی مانگا
ظرف سے سوا مانگا ، مانگ سے سوا پایا

جزاک اللہ​

 

[مہ جبین]

syed Zubair بھائی اور حسیب نذیر گِل !

بہت شکریہ کلام پسند کرنے کا

جزاکم اللہ

 

[زبیر مرزا]

سبحان اللہ
جزاک اللہ

 

[مہ جبین]

بہت شکریہ زحال مرزا بھائی

جزاک اللہ

 

[نایاب]

سبحان اللہ
آپ نبی پاک صلی اللہ علیہ وآلہ وسلم کی ذات پاک پر لاکھوں کروڑوں درود و سلام

راستے کے پتھر ہوں یا سخن کے نشتر ہوں​

آپ کو بہر عالم پیکرِ رضا پایا​

 

[مہ جبین]

جزاک اللہ نایاب بھائی

 

[مدیحہ گیلانی]

سبحان اللہ ۔۔۔ ۔۔۔ کیا بات ہے
رحمتِ دوعالم سے ہم نے جب کبھی مانگا
ظرف سے سوا مانگا ، مانگ سے سوا پایا
بہت عمدہ کلام ھے ۔
مولا سلامت رکھیے آپکو .امین کیسے کیسے در نایاب ڈھونڈ کر شریک محفل کرتی ہیں اپ

 

[قرۃالعین اعوان]

سبحان اللہ!