دریا رواں دواں ہے

[سیدہ شگفتہ]

دریا رواں دواں ہے

شاعر : عباس العزم


ہر سُو ہے پانی پانی
موجوں کی ہے روانی

ہر موج نغمہ خواں ہے
دریا رواں دواں ہے

کیا خوب کشتیاں ہیں
دیکھو یہاں وہاں ہیں

موجوں کا کارواں ہے
دریا رواں دواں ہے

ملّاح گا رہے ہیں
کشتی چلا رہے ہیں

ہر شخص شادماں ہے
دریا رواں دواں ہے

شاداب ہیں کنارے
ہیں خوشنما نظارے

کیا دل رُبا سماں ہے
دریا رواں دواں ہے

منظر بہت حسیں ہے
خاکستری زمیں ہے

نیلا وہ آسماں ہے
دریا رواں دواں ہے


-----00-----

​