ایاز صدیقی جس جگہ بے بال و پر جبریل سا شہپر ہوا

[مہ جبین]

جس جگہ بے بال و پر جبریل سا شہپر ہوا​

سوچتا ہوں میں وہاں مدحت سرا کیونکر ہوا​

​

ساقیِ کوثر کا لطفِ خاص جب مجھ پر ہوا​

بادہء انوار سے پُر ذہن کا ساغر ہوا​

​

آپ جب جلوہ فروزِ مسندِ امکاں ہوئے ​

ذرہ ذرہ آئینہ دارِ شہِ خاور ہوا​

​

ہے مسلسل نکہت و انوار کی بارش وہاں ​

جس نگر ، جس انجمن میں ذکرِ پیغمبر ہوا​

​

جب کبھی برداشت سے باہر ہوئی فرقت کی دھوپ​

سایہ افگن دامنِ رحمت وہیں مجھ پر ہوا ​

​

ان کے در سے مل گیا پروانہء بخشش مجھے​

مجھ سے عاصی پر بھی لطفِ شافعِ محشر ہوا​

​

وجہِ تکوینِ جہاں کی نعت لکھی جب ایاز​

آئینہ ایک ایک حرفِ کُن فکاں مجھ پر ہوا ​

​

ایاز صدیقی​

 

[عاطف بٹ]

جزاک اللہ خیرا آپا۔ بہت ہی عمدہ نعت ہے۔

 

[زبیر مرزا]

جزاک اللہ
اللہ تعالٰی آپ کو خیرکثیرعطا فرمائے

 

[قرۃالعین اعوان]

سبحان اللہ
جزاک اللہ!

 

[نایاب]

سبحان اللہ
کیا ہی خوب ہدیہ عقیدت ہے

ہے مسلسل نکہت و انوار کی بارش وہاں​

جس نگر ، جس انجمن میں ذکرِ پیغمبر ہوا​

صلی اللہ علیہ و آلہ وسلم

 

[حسیب نذیر گِل]

جزاکم اللہ۔بہت خوب