تو مری جان گر نہیں آتی - سید محمد اثر

[حسان خان]

تو مری جان گر نہیں آتی​

زیست ہوتی نظر نہیں آتی​

​

دلربائی و دلبری تجکو​

گو کہ آتی ہے پر نہیں آتی​

​

حالِ دل مثلِ شمع روشن ہے​

گو مجھے بات کر نہیں آتی​

​

ہر دم آتی ہے گرچہ آہ پر آہ​

پر کوئی کارگر نہیں آتی​

​

کیا کہوں آہ میں کسو کے حضور​

نیند کس بات پر نہیں آتی​

​

نہیں معلوم دل پہ کیا گزری​

ان دنوں کچھ خبر نہیں آتی​

​

کیجے نامہربانی ہی آ کر​

مہربانی اگر نہیں آتی​

​

دن کٹا جس طرح کٹا لیکن​

رات کٹتی نظر نہیں آتی​

​

ظاہراً کچھ سوائے مہر و وفا​

بات تجکو اثر ؔ نہیں آتی​

​

(سید محمد اثر ؔ)​

 

[طارق شاہ]

تو مری جان گر نہیں آتی​

زیست ہوتی نظر نہیں آتی​

​

حالِ دل مثلِ شمع روشن ہے​

گو مجھے بات کر نہیں آتی​

​

ہر دم آتی ہے گرچہ آہ پر آہ​

پر کوئی کارگر نہیں آتی​

کیا ہی کہنے صاحب!​

​

ایک بہت اچھی غزل کے انتخاب پر بہت سی داد قبول کریں​

​

بالا اشعار نے بہت ہی لطف دیا​

​

تشکّر شیئر کرنے کے لئے​

بہت خوش رہیں​

 

[مدیحہ گیلانی]

واہ واہ واہ ۔۔لاجواب کیا غالبانہ انداز کی غزل شئیر کی ہے حسان میاں آپ نے ۔۔۔۔بہت سی داد آپ کےاس انتخاب پر۔

 

[قرۃالعین اعوان]

ہر دم آتی ہے گرچہ آہ پر آہ​

پر کوئی کارگر نہیں آتی ​

بہت خوب!​

 

[عاطف بٹ]

دن کٹا جس طرح کٹا لیکن
رات کٹتی نظر نہیں آتی

واہ حسان، کیا شاندار غزل شئیر کی ہے۔ ہر شعر ہی قابل داد ہے۔​

شئیر کرنے کے لئے بہت شکریہ​