تم سے تھا اک رشتہءِ جاں

[محمد اطھر طاھر]

تم سے تھا اک رشتہءِ جاں
تم سے بچھڑے تو چین کہاں۔۔
ہم کو یارو راس کہاں
جلوہءِ جاناں کوئے بتاں۔۔
اس میں بھی اک اشک حسیں ہے
شیشہءِ دل اب صاف کہاں۔۔
پھولوں جیسا نازک پیکر
بانکی چتون حسن جواں۔۔
الجھی الجھی کالی زلفیں
چاند سا چہرہ اور عیاں۔۔
چشمِ غزالاں ان کی آنکھیں
غنچہ دہن اور شیریں زباں۔۔
بھولی یادیں تنہائی بھی
ایسے لمحے روز کہاں۔۔
اُس کی گلی میں جائیں کیوں
صورتِ جاناں دل میں نہاں۔۔
عاشق شاعر و صورت گر
حالِ پریشان لب پہ فغاں۔۔
ان کی بھی کیا بات ہے یارو
جانِ اطہر جانِ جہاں۔۔