میر تا گور کے اوپر وہ گل اندام نہ آیا

[حسان خان]

تا گور کے اوپر وہ گل اندام نہ آیا​

ہم خاک کے آسودوں کو آرام نہ آیا​

​

بے ہوشِ مئے عشق ہوں کیا میرا بھروسا​

آیا جو بخود صبح تو میں شام نہ آیا​

​

کس دل سے ترا تیرِ نگہ پار نہ گزرا​

کس جان کو یہ مرگ کا پیغام نہ آیا​

​

دیکھا نہ اُسے دور سے بھی منتظروں نے​

وہ رشکِ مہِ عید لبِ بام نہ آیا​

​

سو بار بیاباں میں گیا محملِ لیلیٰ​

مجنوں کی طرف ناقہ کوئی گام نہ آیا​

​

اب کے جو ترے کوچے سے جاؤں گا تو سُنیو​

پھر جیتے جی اس راہ وہ بدنام نہ آیا​

​

نے خون ہو آنکھوں سے بہا، ٹک نہ ہوا داغ​

اپنا تو یہ دل میر کسو کام نہ آیا​

(میر تقی میر)​

 

[طارق شاہ]

تا گور کے اوپر وہ گل اندام نہ آیا​

ہم خاک کے آسودوں کو آرام نہ آیا​

بے ہوشِ مئے عشق ہوں کیا میرا بھروسا
آیا جو بخود صبح تو میں شام نہ آیا​

دیکھا نہ اُسے دور سے بھی منتظروں نے​

وہ رشکِ مہِ عید لبِ بام نہ آیا​

کیا کہنے صاحب​

​

بہت ہی خوب غزل جناب
تشکّر پیش کرنے پر

بہت خوش رہیں

 

[مدیحہ گیلانی]

واہ واہ ! بہت خوب غزل ھے ۔۔۔۔شریک کرنے کا شکریہ ۔

 

[محمد وارث]

کیا ہی اچھی غزل ہے، بہت شکریہ جناب ارسال فرمانے کیلیے۔

 

[صائمہ شاہ]

واہ
اپنا تو یہ دل میر کسو کام نہ آیا