نور وجدان
لائبریرین
بلھے نوں سمجھاون آئیاں، بھیناں تے بھرجائیاں
من لے بلھیا ساڈا کہنا، چھڈ دے پلّا رائیاں
آل نبی اولادِ علی نوں، توں کیوں لیکاں لائیاں
بلھے نوں سمجھاون آئیاں، بھیناں تے بھرجائیاں
چیہڑا سانوں سیّد سدّے، دوزخ ملن سزائیاں
جو کوئی سانوں ’’ رائیں ‘‘ آکھے، بہشتیں پینگھاں پائیاں
بلھے نوں سمجھاون آئیاں، بھیناں تے بھرجائیاں
رائیں سائیں سبھنیں تھائیں، رب دیاں بے پروائیاں
سوہنیاں پرے ہٹائیاں نیں تے، کوجھیاں لے گل لائیاں
بلھے نوں سمجھاون آئیاں، بھیناں تے بھرجائیاں
جے توں لوڑیں باغ بہاراں، چاکر ہوجا رائیاں
بلھے شاہ دی ذات کہہ پچھنایں، شاکر ہو رضائیاں
بلھے نوں سمجھاون آئیاں، بھیناں تے بھرجائیاں
( بابا بلھے شاہ )
من لے بلھیا ساڈا کہنا، چھڈ دے پلّا رائیاں
آل نبی اولادِ علی نوں، توں کیوں لیکاں لائیاں
بلھے نوں سمجھاون آئیاں، بھیناں تے بھرجائیاں
چیہڑا سانوں سیّد سدّے، دوزخ ملن سزائیاں
جو کوئی سانوں ’’ رائیں ‘‘ آکھے، بہشتیں پینگھاں پائیاں
بلھے نوں سمجھاون آئیاں، بھیناں تے بھرجائیاں
رائیں سائیں سبھنیں تھائیں، رب دیاں بے پروائیاں
سوہنیاں پرے ہٹائیاں نیں تے، کوجھیاں لے گل لائیاں
بلھے نوں سمجھاون آئیاں، بھیناں تے بھرجائیاں
جے توں لوڑیں باغ بہاراں، چاکر ہوجا رائیاں
بلھے شاہ دی ذات کہہ پچھنایں، شاکر ہو رضائیاں
بلھے نوں سمجھاون آئیاں، بھیناں تے بھرجائیاں
( بابا بلھے شاہ )
