جوش بلند بینی

[حسان خان]

کہاں تصورِ پستی بلند بینوں کو​

ہم آسمان سے لاتے نہیں زمینوں کو​

یہاں میرے خیال سے شاید لاتے کے بجائے آتے ہوگا۔ میرے پاس کتاب میں لاتے ہی درج ہے۔​

​

ہمیں ڈرائے گا کیا خاک بحرِ طوفاں خیز​

کہ ہم نے سیل بنایا ہے خود سفینوں کو​

​

کسی کے در پہ جھکاتے نہیں جو سر اپنا​

انہیں یہ حق ہے چلیں تان کر وہ سینوں کو​

​

مری نگاہ میں ہے ناکارہ وہ سبک فنکار​

حسین تر جو بناتے نہیں حسینوں کو​

​

لگاؤ بڑھ کے عناصر کے منہ میں جلد لگام​

کہ ان کی پشت پہ میں کس چکا ہوں زینوں کو​

​

قدیم کعبہ و کاشی کے حاجبو ہشیار​

مقامِ کفر سے للکارتا ہوں دینوں کو​

​

بشر کے ذہن پہ قرنوں سے جو مسلط ہیں​

بدل رہا ہوں گمانوں سے ان یقینوں کو​

​

کل اُن کی نسل کا اے جوش میں بنوں گا امام​

خبر کرو مرے مسلک کے نکتہ چینوں کو​

​

(جوش ملیح آبادی)​