یوسف سلطان
محفلین
اے خدا! فاقہ کشوں پر مہربانی کیجئے
رزق کی تقسیم پر کچھ نظرِ ثانی کیجئے
.
اے خدا! دنیا میں ہم مہمان ہیں دو چار دن
اپنے مہمانوں کی کچھ تو میزبانی کیجئے
.
بے یقیں جھولی میں بھر کے کچھ یقیں کی روٹیاں
دُور مفلس کے شکم کی بدگمانی کیجئے
.
خود کشی کر لی ہے پھر اِک ماں نے سب بچوں سمیت
جا کے بھوکی میّتوں پر گُل فشانی کیجئے
.
زیست کے زندان میں اب کوئی بھی زندہ نہیں
آپ قبرستان پر اب حکمرانی کیجئے
.
عمر بھر قرآں سے جو اِک خاص دُوری پر رہا
اُس کی بخشش کے لیے قرآن خوانی کیجئے
.
رو رہا ہے رفتگاں کی یاد میں بوڑھا شجر
پاس اُس کے بیٹھ کر باتیں پرانی کیجئے
.
داستانِ پیاس لکھئے ساحلوں پر بیٹھ کر
اور بہتے پانیوں کو پانی پانی کیجئے
.
آپ کے منہ میں بھی سونے کی زباں موجود ہے
آپ بھی اہلِ زباں سے بد زبانی کیجئے
.
کار گر زورِ قلَم سے زورِ بازو ہے یہاں
چھوڑ کر فکرِ سخن اب پہلوانی کیجئے
.
دفن کر کے قبر میں قرطاس کی الفاظ کو
اپنے زندہ شعر واصفؔ آنجہانی کیجئے
( جبار واصف )
رزق کی تقسیم پر کچھ نظرِ ثانی کیجئے
.
اے خدا! دنیا میں ہم مہمان ہیں دو چار دن
اپنے مہمانوں کی کچھ تو میزبانی کیجئے
.
بے یقیں جھولی میں بھر کے کچھ یقیں کی روٹیاں
دُور مفلس کے شکم کی بدگمانی کیجئے
.
خود کشی کر لی ہے پھر اِک ماں نے سب بچوں سمیت
جا کے بھوکی میّتوں پر گُل فشانی کیجئے
.
زیست کے زندان میں اب کوئی بھی زندہ نہیں
آپ قبرستان پر اب حکمرانی کیجئے
.
عمر بھر قرآں سے جو اِک خاص دُوری پر رہا
اُس کی بخشش کے لیے قرآن خوانی کیجئے
.
رو رہا ہے رفتگاں کی یاد میں بوڑھا شجر
پاس اُس کے بیٹھ کر باتیں پرانی کیجئے
.
داستانِ پیاس لکھئے ساحلوں پر بیٹھ کر
اور بہتے پانیوں کو پانی پانی کیجئے
.
آپ کے منہ میں بھی سونے کی زباں موجود ہے
آپ بھی اہلِ زباں سے بد زبانی کیجئے
.
کار گر زورِ قلَم سے زورِ بازو ہے یہاں
چھوڑ کر فکرِ سخن اب پہلوانی کیجئے
.
دفن کر کے قبر میں قرطاس کی الفاظ کو
اپنے زندہ شعر واصفؔ آنجہانی کیجئے
( جبار واصف )