نتائج تلاش

پیمبروں کو اُتارا گیا تھا قوموں پر خُدا نے مجھ پہ مگر قوم کو اُتارا ہے انور شعُور

غزل زمیں کے حلقے سے نکلا ، تو چاند پچھتایا کشش بچھانے لگا ہے ہر اگلا سیّارہ میں پانیوں کی مُسافر ، وہ آسمانوں کا کہاں سے ربط بڑھائیں ،کہ درمیاں ہے خلا بچھڑتے وقت دِلوں کو اگرچہ دُکھ تو ہُوا کُھلی فضا میں مگر سانس لینا اچھا ہو گا جو صرف رُوح تھا ، فُرقت میں بھی وصال میں بھی اُسے بدن کے اثر...

کچھ اور بھی تجھے اے داغ! بات آتی ہے وہی بُتوں کی شکایت، وہی گِلہ دِل کا داغ دہلوی

شباب آتے ہی اے کاش موت بھی آتی ! اُبھارتا ہے اِسی سن میں ولولہ دِل کا داغ دہلوی

وعدۂ شب پر گُمانِ صِدق سے سوئے نہ ہم راہ ، اُس پیماں شکن کی رات بھر دیکھا کئے یاد میں رُخسارِ تابانِ صنم کی رات بھر ! دیدۂ حسرت سے ہم سُوئے قمر دیکھا کئے اکبر الٰہ آبادی

زیرِ گیسو رُوئے روشن جلوہ گر دیکھا کئے شانِ حق سے ایک جا شام و سحر دیکھا کئے صبر کر بیٹھے تھے پہلے ہی سے ہم تو جانِ زار عِشق نے جو کچھ دِکھایا بے خطر دیکھا کئے اکبر الٰہ آبادی

حُور کی شکل ہو تم، نوُر کے پُتلے ہو تم اور اس پر تمھیں آتا ہے جلانا دل کا داغ دہلوی

چڑھاؤ پُھول مِری قبر پر جو آئے ہو کہ اب زمانہ گیا تیوری چڑھانے کا داغ دہلوی

جفائیں کرتے ہیں تھم تھم کے اِس خیال سے وہ گیا تو پھر یہ نہیں میرے ہاتھ آنے کا داغ دہلوی

غزلِ ریحان منصُور آنولی اور کِس کے مُنہ سجے گی داستانِ زندگی لُطف جب ہے، وہ زباں ہو اور بیانِ زندگی رنگ دِکھلاتا ہے کیا کیا آسمانِ زندگی کرکے برگ و گُل سے خالی گُلستانٍ زندگی کیا سِتم ہے آج وہ بھی درپئے آزار ہیں ایک مُدٌت سے رہے جو میری جانِ زندگی کر لِیا اُس دل کے رہزن کو ہی میرِ کارواں اب...

پی لی مئے ولائے نبیؐ ، فکر کیا اگر " انگور کی شراب کا پینا حرام ہے" شفیق خلش

اُس کی ثنا کا حق جو ادا ہو تو کِس طرح بھیجے خُدا بھی جس پہ درُود و سلام ہے شفیق خلش

آئے یقیں، اُسی کی اذیّت دہی کے ساتھ ہم کو ، گُمان تک نہ ہو جس احتمال کا جون ایلیا

یہی خیال لئے، ہم چمن میں جاتے ہیں وہ گُل مِلےنہ مِلے اُس کے رنگ و بُو ہی سہی شفیق خلش

نگہِ شوق سے، کیونکر نہ گُلوں کو دیکھوں ! اِن کی رنگت ، تِرے عارض کا پتا دیتی ہے اکبر الٰہ آبادی

موت سے کوئی نہ گبھرائے اگر یہ سمجھے ! کہ یہ دُنیا کے بکھیڑوں سے چُھڑا دیتی ہے اکبر الٰہ آبادی

کیا صفائی رُخِ جاناں کی ہے، اللہ، اللہ دیکھنے والوں کو آئینہ بنا دیتی ہے اکبر الٰہ آبادی

اچّھی صُورت میں بھی خالق نے بھرا ہے جادُو اپنے مُشتاق کو ، دِیوانہ بنا دیتی ہے اکبر الٰہ آبادی

ہو نہ رنگین طبیعت بھی کسی کی یا رب آدمی کو یہ مُصیبت میں پھنسا دیتی ہے اکبر الٰہ آبادی

اپنے مارے کو مت پریشاں کر زُلفِ مشکیں کہ پیچ و تاب نہ دے کِس نے اے بحرِ حُسن! تجھ کو کہا کہ کسی تشنہ لب کو آب نہ دے سراج ؔ اورنگ آبادی