اردو محفل فورم

واقعی بہت سوئیٹ ہے آپ اسے پنجابی میں یوں کہیں گی "کیڈی مِٹھی بولی اے"

اگر میں بھولتا نہیں تو یہ صاحب موسیقی میں میرے دادا استاد تھے۔

راحیل فاروق اور استاد کون تھے؟ :) میں حسین بخش صاحب کے مداحوں میں سے ہوں :)

کون سے گیمز؟ Call of Duty تو نہیں ?

محمد امین نہیں وہ تو نہیں :پ ویسے میں گیمز بہت کم کھیلتی ہوں کچھ گیمز انسٹال کی بھی ہیں تو ایسے کلام کے دردناک اثرات کو کم کرنے کے لیے یا کہہ لیجئے دھیان بٹانے کو :) میں زیادہ تر پزل گیمز کھیلتی ہوں جیسے Jigty اور Word Brain..اس کے علاوہ Temple Run 2، BRIM، اور کرمنل کیس موجود ہیں سیل میں :) آپ کوئی اچھی گیم سجیسٹ کیجئے :)

میرے استاد ہیں میاں تنویر حسین صاحب سرگانہ۔ اللہ انھیں سلامت رکھے۔
دو حسین بخش تھے اصل میں جنوبی پنجاب کے۔ ایک حسین بخش ڈھاڈی اور دوسرے حسین بخش گلو۔ غالباً میاں صاحب یعنی میرے استاد حسین بخش گلو صاحب کے شاگرد تھے۔

گریٹ ماشاءاللہ گویا آپ موسیقی سیکھنے کا بھی شغل فرماتے رہے ہیں

یہ مت پوچھیے۔ مجھے گانا نہیں آتا۔ شوق بھی نہیں ہے۔ عروض پڑھتے پڑھتے موسیقی کی جانب راغب ہوا۔ میاں صاحب کی باقاعدہ شاگردی اختیار کی۔ سال بھر بھیرویں کے سبق سے آگے نہیں بڑھا۔ استاد جی سے محبتیں اور باتیں ایسی نہج پر پہنچیں کہ وہ کام نہ کرنے پر مجھے ڈانٹنا بھی بھول گئے۔ ادھر ادھر کی ہانک کے وقت گزارا۔ اب دل مسوستا ہوں کہ کچھ سیکھ لیا ہوتا۔

اللہ میاں صاحب کو سلامت رکھے۔ وہ میرے علاقے سے جھنگ منتقل ہو گئے تھے۔ بڑا عرصہ ہوا ان سے ملاقات نہیں ہوئی۔ وہ شخص میرا محسن ہے، مربی ہے، مرشد ہے۔ بڑے خاندان کے آدمی تھے۔ خدا جانے موسیقی کی جانب کیسے آ گئے۔ وہ نہ ہوتے تو میں میراثیوں کے پاس موسیقی سیکھنے کبھی نہ جاتا۔ ان کی محبتیں میری زندگی کا اثاثہ ہیں۔

سو تو بہت اچھی بات ہے کہ آپ موسیقی کی بنیادی باتوں سے اچھی طرح واقف ہیں اس طرح سننے کا لطف بھی دوبالا ہو جاتا ہے وہ نہ ہوتے تو جن کی میراث میں یہ فن ہے آپ ان سے نہ بھی سیکھتے تب بھی وہ فن ان کی میراث ہی رہتا البتہ آپ تک نہ پہنچ پاتا میرے خیال میں جو میں کہنا چاہ رہی ہوں آپ سمجھ رہے ہیں..

میں ایک زمانے میں کافی نسل پرست تھا۔ بعد میں تھوڑا بہت انسان بن گیا۔ لیکن ہے یوں کہ میراثیوں کے نخرے بہت ہوتے ہیں۔ استاد جی کا احسان اسی لیے بڑا ہے کہ یہ کشٹ خود اٹھا کر انھیں نے مجھے بچا لیا۔
باقی رہیں مبادیاتِ موسیقی، تو جیسا میں نے عرض کیا، میں نے باتیں ہی بگھاری ہیں۔ سیکھا کچھ نہیں۔ محبت کبھی کبھی انسان کو کسی کام کا نہیں چھوڑتی۔ ہماری آپس کی صحبت ایسی پرلطف ہو گئی تھی کہ سیکھنے سکھانے کا تکلف اٹھ گیا تھا۔

سر پھر بھی عطر فروش کی دکان پر بیٹھنے سے خوشبو آپ کے بدن سے بھی آنے لگتی ہے

مان گئے!

غدیر، آجکل تو پوکی مون گو کا دور دورہ ہے۔۔۔ ویسے میں فون میں کبھی کبھار لوڈو کھیل لیتا ہوں پارچیسی پلے اسپیس کے نام سے ہے ملٹی پلئیر گیم ورنہ ایک زمانے میں پی سی پر مار دھاڑ والے۔۔

راحیل میاں، کبھی اپنی آواز میں بھیرویں سنا دینا، یہ حکم بھی ہے اور التجا بھی :ڈ

مار دھاڑ والی یا کراٹے والی وڈیو گمیز بچپن میں بہت کھیلیں البتہ میٹرک تک آتے آتے صرف spider solitaire اور need for speed تک محدود ہو گئی کہ نیٹ تو تھا نہیں کمپیوٹر میں یا تو بس یہ دو گیمز تھیں یا نصرت کی قوالیاں اور کچھ عارفانہ کلام جو need for speed کھیلتے ہوئے سنتی تھی

محمد امین بھائی، واللہ مجھے گانا نہیں آتا۔ میں عرض کر چکا ہوں کہ میں عروض کے شوق میں وہاں پہنچ گیا تھا۔ :)

راحیل، کوئی عذر قابلِ قبول نہیں ہوگا۔۔۔۔

گیدڑ کی موت آتی ہے تو وہ شہر کی جانب دوڑتا ہے۔ میری شامت آئی تو میں نے موسیقی کا ذکر چھیڑا۔ آپ کی آئی تو آپ نے مجھ سے فرمائش کی۔ ہاہاہاہا!