اردو محفل فورم

واہ کیا خوب غزل یاد دلا دی آپ نے۔

پہلے محفل میں اس غزل تک اور پھر اسی زمیں میں فراز کی غزل تک گیا۔ واہ۔

تُو نے مٹّی سے الجھنے کا نتیجہ دیکھا ۔۔۔ ڈال دی میرے بدن نے تری تلوار پہ خاک ۔ عرفان صدیقی

ہم نے مدّت سے اُلٹ رکھّا ہے کاسہ اپنا ۔۔۔ دستِ زردار ترے درہم و دینار پہ خاک ۔۔ عرفان صدیقی

سرِ دربار ستادہ ہیں پئے منصب و جاہ ۔۔۔ تُف بر اہلِ سخن و خلعت و دستار پہ خاک ۔۔ فراز

تا کسی پر نہ کھُلے اپنے جگر کا احوال ۔۔۔ مَل کے آ جاتے ہیں ہم دیدۂ خونبار پہ خاک ۔۔ فراز

سبحان اللہ۔ جی بالکل احمد بھائی، کل غزل ہی کمال ہے اور احمد فراز کے دونوں شعر پڑھ کر لطف آ گیا۔ بہت اچھے۔ عرفان صدیقی اصل میں روایات کے امین تھے، کبھی بھی وہ اس آستانے کو چھوڑ کر دانش کے نام پہ بکتی جہالت کو لینے نہیں بھاگے۔ اور پھر انوکھا لہجہ ، نویلا شعر، خیال کی ندرت سبحان اللہ