ABDUL QADIR

Main aadmi hon aam sa,
ik qissa na-tmaam sa,

Na lehja be-misaal hai,
Na baat mein kamaal hai,

Hon dekhnay mein aam sa,
Udasiyon ki shaam sa,

Jaisay ek raaz hon,
Khud se be-niaz hon,

Na mahjabeeno se rabt hai,
Na shohraton ka zabt hai,

Raanjha hon, na Qais hon,
Insha hon na Faiz hon,

Main paiker-e-ikhlaas hon,
Wafa, Dua aur Aas hon,
Main shakhs khud-shanaas hon,

Tum hi kro ab faisla,

Main aadmi hon aam sa?

Ya phir bohat hi "khaas"
hon?