علی احمد الف

مینون کوئی سمجھ نا پایا
نا کوئی میری سمجھ چہ آیا
کج تے رلدا ملدا رکھدا
ربا توں کیوں وکھ بنایا
نال کسے کی لگ کے ٹرنا
ساتھ نیں دیندا اپنا سایا
سکھ دی اک وی لیکھ نا دسدی
دکھوں سارا ہتھ پرایا
پرکھن دا وی ول نا کوئی
ہر بندے نے آگے لایا
چج دا کوئی کم نیں آندا
نیندراں مینوں مار مکایا
نا میں کدی نمازاں نتییاں
نا سجدے چہ سر نو ڈایا
عمر دا بالن مک گیا بل کے
باسی کڑی ابال نا آیا
علی توں جگ توں کج نیں کھڈنا
جے رب لبیا ، سب کج پایا