.
ہمارا سِلسلہ ۔۔۔۔۔۔۔۔۔۔ طائف سے نینوا تک ہے
یہ کربلائے محمد ۔۔۔۔۔۔۔۔۔ وہ کربلائے حُسین
اُنھیں بتانا ۔۔۔۔۔۔ کہ عبّاس ۔۔۔۔۔۔۔ نام ہے میرا
مزید پوچھیں تو کہنا وہی گدائے حُسین !
_________
(عبّاس تابِش)
اس قدر گرمئی رفتار میں لے آیا ھوں
دھوپ کو سایہ ء دیوار میں لے آیا ھوں
اس میں اک عمر گزاری ھے اگرچہ میں نے
تیرے انکار کو اقرار میں لے آیا ھوں
__________
شہزاد بزمی
یہ دل ادھیڑ کے میں نے دوبارہ سی لیا ہے
کہ جیسے تیسے کسی آسرے پہ جی لیا ہے
۔۔۔
اندھیرے میری نگاہوں سے خوف کھاتے ہیں
لہو میں گھول کے میں نے چراغ پی لیا ہے
۔۔۔
ملا جو وقت تو پھر بات ہو گی تفصیلاََ
زمانے تُو نے مجھے کتنا سرسری لیا ہے
۔۔۔
مجھے کہانی سے تیری نہیں تھی دلچسپی
سو میں نے جان کے...