You are using an out of date browser. It may not display this or other websites correctly. You should upgrade or use an alternative browser.
ارشد حسین شاہ
سب اداس لوگوں کی
ایک سی کہانی ھے
ایک جیسے لہجے ھیں
ایک جیسی تانیں ھیں
شہر_یار پر سب کی
ایک سی اڑانیں ھیں
سب اداس لوگوں کے
بےمراد ھاتھوں پر
ایک سی لکیریں ھیں
سب کے زرد ھونٹوں پر
قرب کی مناجاتیں
وصل کی دعائیں ھیں
بےچراغ راتوں میں
بےشمار شکنوں کے
ایک سے فسانے ھیں
کھلکھلاتے لمحوں میں
بےوجہ اداسی کے
ایک سے بہانے ھیں
اشک آنکھ میں رکھ کر
کھل کے مسکرانے کی
ایک جیسی تشریحیں
ایک سی وضاحت ھے
ایک جیسے شعلوں میں
سب کے خواب جلتے ھیں
ایک جیسی باتوں پر
سب کے دل دھڑکتے ھیں
سب اداس لوگوں کی
ایک سی کہانی ھے...