ہوم بوائے انڈسٹریز

[نبیل]

آج جرمن آن لائن جریدے شپیگل آن لائن پر ہوم بوائے انڈسٹریز کے بارے میں پڑھنے کا اتفاق ہوا۔ ہوم بوائے انڈسٹریز اصل میں ایک پادری گریگ بوائل کا جیل سے رہا ہونے والے نوجوانوں کو معاشرے میں دوبارہ مقام دلانے کا منصوبہ تھا۔ گریگ کا کہنا تھا کہ ایک گولی کو روکنے کا بہترین طریقہ روزگار فراہم کرنا ہے۔ (Nothing stops a bullet like a job) ہوم بوائے انڈسٹریز کا آغاز 1988 میں چھوٹے پیمانے پر ہوا تھا اور اس کے تحت جیل سے رہا ہونے والے نوجوانوں کو پیشہ ورانہ اور شخصیت کو بہتر بنانے کی تربیت دی جاتی ہے۔ وقت کے ساتھ ساتھ ہوم بوائے انڈسٹریز ایک بڑا نام بن چکا ہے۔ سال 2010 ان کے لیے مالی مشکلات کا دور تھا لیکن اس کے بعد سے ان کی مالی صورتحال بہتر ہو گئی ہے۔

حوالہ: وکی پیڈیا کا ربط

 

[قیصرانی]

اچھی سوچ ہے

 

[mfdarvesh]

اللہ کرے پاکستان کے لیے بھی کوئی ایسے ہی سوچے

 

[قیصرانی]

ووکیشنل اداروں میں سابقہ شدت پسندوں کی تربیت اور انہیں ہنر سکھانے کا کام تو پاکستانی فوج کر رہی ہے۔ البتہ پیمانے اور انتخاب کی شرائط کا علم نہیں

 

[mfdarvesh]

ایسے ادارے چھپ چھپا کہ ہوں تو اور بات ہے میری نظر میں تو کوئی ایسا ادارہ نہیں ہے

 

[ایم اے راجا]

بہت ہی عمدہ کام ہے

 

[ایم اے راجا]

اللہ کرے پاکستان کے لیے بھی کوئی ایسے ہی سوچے

پاکستان کیا ہے ؟ پاکستان ہم ہیں، اور ہمارے لیئے کوئی باہر سے آکر نہیں سوچے گا، ہمارے لیئے ہمیں خود سوچنا ہوگا۔

 

[mfdarvesh]

پاکستان کیا ہے ؟ پاکستان ہم ہیں، اور ہمارے لیئے کوئی باہر سے آکر نہیں سوچے گا، ہمارے لیئے ہمیں خود سوچنا ہوگا۔

بہت عمدہ
مگر یہاں کام کرنے کا معاوضہ بہت زیادہ ہے
آپ کو اگنے سے پہلے ہی زبردستی مار دیا جائے گا، آزمائش شرط ہے

 

[ایم اے راجا]

بہت عمدہ
مگر یہاں کام کرنے کا معاوضہ بہت زیادہ ہے
آپ کو اگنے سے پہلے ہی زبردستی مار دیا جائے گا، آزمائش شرط ہے

آپ نے ٹھیک کہا لیکن ایسا نہیں ہے، یہ ڈر ہی ہے جو ہمیں کچھ کرنے سے روکتا ہے، ہاں مشکلات آئیں گی لیکن روک کوئی نہیں سکے گا، مگر اسکے لیئے اجتماعی طور پر ایک ادارے کی طرح کام کرنا پڑے گا۔