چمکا ہے شبِ تارِ تخیل میں نیا چاند

[الف نظامی]

چمکا ہے شبِ تارِ تخیل میں نیا چاند
آئینہ مدحت میں ہے پھر عکس نما چاند

خورشید ہوا شعلہ بجاں کس کی طلب میں
ہے کس کی تمنا میں یہ آغوش کشا چاند

غازہ رخِ گردوں پہ تری گردِ سفر کا
سینے پہ سجائے ہوئے نقشِ کفِ پا چاند

شب بھر رخِ والشمس سے دریوزہ گری کو
کشکول کی صورت میں نکلتا ہے سدا چاند

اک جلوہ گہِ ناز کے ہیں کتنے مظاہر
یہ رنگِ چمن، موجہ گل، بادِ صبا، چاند

ہے مہرِ جہاں تاب ترے رخ کی تجلی
اور عکسِ تجلی ہے کفِ شب پہ دھرا چاند

یہ دیدہ ء عالم ابھی حیران ہے شاکر
اک جنبشِ انگشت سے ہوتا ہے فدا چاند؟
( سید شاکر القادری )​

 

[محمد عبدالرؤوف]

سبحان اللّٰہ ، بہت خوب شراکت ہے۔

غازہ رخِ گردوں پر تیری گردِ سفر کا

غازہ رخِ گردوں پہ تری گردِ سفر کا

ہے مہرِ جہاں تاب تیرے رخ کی تجلی

ہے مہرِ جہاں تاب ترے رخ کی تجلی

 

[الف نظامی]

سبحان اللّٰہ ، بہت خوب شراکت ہے۔

غازہ رخِ گردوں پہ تری گردِ سفر کا

ہے مہرِ جہاں تاب ترے رخ کی تجلی

بہت شکریہ محمد عبدالرؤوف