پاکستان دا پہلا سیٹلائٹ مشن اَج پُلاڑ وچ جاوے گا

[الف نظامی]

پاکستان دا پہلا سیٹلائٹ مشن اج پُلاڑ وچ گھلن دیاں تیاریاں مکمل کر لئیاں گئیاں نیں۔ رکن کور کمیٹی انسٹیٹیوٹ آف سپیس ٹیکنالوجی ڈاکٹر خرم خورشند نے نجی ٹی وی نال گل بات کردیاں ہویاں دسیا کہ اج 3 مئی نوں 12 وج کے پنجاہ منٹ اُتے پاکستان دا پہلا سیٹلائٹ مشن پُلاڑ وچ گھلیا جاوے گا۔ اونہاں کہیا کہ ایہ مشن چین دے ہینان سپیس لانچ سائٹ توں پُلاڑ وچ گھلیا جاوے گا۔ اوہناں نے دسیا کہ آئی کیوب قمر دا ڈئزائن تے ڈیولوپمنٹ چین تے سپارکو دی سانجھ نال تیار کیتا گیا اے۔
اوہناں نے کہیا کہ چن دیاں تصویراں بنان لئی آئی کیوب قمر وچ دو کیمرے لگے نیں۔
سوما: روزوار لوکائی ، تِن مئی وِیہہ سو چَوِّی