نفیس نستعلیق ترسیمہ جات آوٹ لائن
- صاحب لڑی الف نظامی
- تاریخ ابتداء
نبیل
تکنیکی معاون
شکریہ نظامی، لیکن نفیس نستعلیق کے گلفس کی آؤٹ لائن فراہم کرنے کی اب کیا ضرورت ہے؟ نفیس نستعلیق فونٹ تو بن چکا ہے۔ میرے خیال میں تو اب کسی ایسے رسم الخط کی اشکال کی آؤٹ لائنز بنانی چاہییں جس کے لیے ابھی فونٹ نہ بنا ہو۔ کیا خیال ہے تمہارا؟ اس طرح کی اشکال کچھ خطاطی کے پروگرامز جیسے کہ کلک یا تصمیم وغیرہ سے بھی حاصل کی جا سکتی ہیں۔
شاکرالقادری
لائبریرین
یہ بھی ایک خوش فہمی ہے کہ نفیس تستعلیق خوبصورت ہے ۔۔۔۔ سید انورحسین نفیس رحمة اللہ علیہ کے نام سے منسوب یہ فونٹ میں تو کسی صورت تسلیم نہیں کرسکتا کہ اس کے کیریکٹر کو سید صاحب کے خط سے اخذ کیا گیا ہوگا ۔۔۔۔ سید صاحب بلاشبہ ایک نابغہ روزگار صاحب فن تھے میں نے ان کی خطاطی کے نمونے دیکھے ہوئے ہیں ۔۔۔۔۔ موجودہ نفیس فونٹ سے شاہ صاحب کے نام اور شہرت کو دھچکا لگا ہے ۔۔۔۔ اس فونٹ میں تو کیریکٹر کے گھیرے اور کشتیاں ہی درست نہیں ہیں
نظامی صاحب !
اگر ترسیمہ جات بنانے کا کام کرنا ہے تو پھر کیوں نہ ایسا کام جائے جو ایک اضافہ بھی ثابت ہو سکے ۔۔۔ میں نبیل کی تجویز سے اتفاق کرتے ہوئے تجویز کرتا ہوں کہ کلام اقبال کے ایسے جلی قلم نسخے تلاش کیے جائیں جو عبدالمجید پروین رقم کے ہاتھ سے کتابت شدہ ہیں یا اسی طرح اگر خورشید عالم گوہر قلم کا کام مل سکے تو ان کے صفحات کو سکین کرکے یہاں مہیا کیا جائے اور ان میں سے کیریکٹرز اور ترسیمے وضع کیئے جائیں
یہ کام گوکہ طویل اور صبر آزما ہوگا لیکن مقصد کی جانب پیش رفت ہوگی
محمد عویدص عطاری
محفلین
میں بھی نبیل بھائی اور شاکرالقادری صاحب کے بات سے متفق ہو کہ کوئی ایسا فانٹ منظر پر آنا چاہیے جو بدعی ہو یعنی پہلے اس طرح کا فانٹ اوپن ٹائپ میں نا آیا ہوں ۔ کلک میں ثلث اور تصمیم میں عمیری فانٹ اس کی مثال ہیں۔ لیکن بہرحال راجہ صاحب نے جو کام شروع کیا ہے وہ بیکار تو نہیں ہوسکتا ۔ یقیناً کچھ نا کچھ تو ہے غالب، جس کی پردہ داری ہے!
والسلام
الف نظامی
لائبریرین
عبدالمجید اس کی تفصیل بتائیں اور ممکن ہو تو تصاویر بھی شامل کردیں۔
الف نظامی
لائبریرین
شکریہ عبد المجید بھائی اس کو بڑا کرتا ہوں اور آپ eps فائل کو ملاحظہ کرنے کے لئے کون سا اطلاقیہ استعمال کرتے ہیں۔