منکہ ایک منسٹر ہوں - مجید لاہوری

[زبیر مرزا]

مرغیوں پر بھی کرسکتاہوں اظہارِ خیال
اورسانڈوں پربھی ہوں محفل میں سرگرمِ مقال

ریس کے گھوڑوں پربھی تقریرکرسکتا ہوں میں
اکبرواقبال کی تفسیرکرسکتا ہوں میں

ہومیوپیتھک ہو یا دندان سازی کا کمال
باغبانی ہوکہ رومی ورازی کا کمال

بات پھولوں کی ہو یا قومی ترانے کا بیان
چاٹ بارہ مسالے کی کہ ہو اُردو زبان

بوعلی سیانا کی حکمت ہو یا افلاطون کی
ایگری کلچرہو یا شق ہو کوئی قانون کی

داغ کا دیوان ہو یا ہووہ ایٹم بم کا راز
ماہی گیری ہوکہ ربط وضبطِ محمودوایاز

مسئلہ تاریخ کا ہو یا مبحث علم کا
فلسفہ گلقند کا ہویا ہو قصہ فلم کا

کشتہءفولاد ہو یا شربتِ دینار ہو
بے ضروری سب پہ میری رائے کا اظہارہو

مدعاعنقا ہے اپنے عالمِ تقریر کا
شوق ہے دل میں مگرقرآن کی تفسیرکا

جتنے بھی شعبے ہیں ان پرہوں میں چھایا ہوا
ہوں منسٹر مستند ہے میرا فرمایا ہوا

 

[نیلم]

ہے تو مزاحیہ لیکن ہے سچ

 

[زبیر مرزا]

اگرچہ میری حسِ مزاح کچھ خاص اچھی نہیں لیکن میرے ایک دوست نے نقوش کا طنزومزاح نمبر مجھے کافی عرصے پہلے تحفہ میں دیا تھا
آج وہ اچانک الماری کی صفائی کے دوران ہاتھ لگا اس میں سے آپ کی خدمت میں گاہے بگاہے کچھ پیش کرتا رہوں گا

 

[نایاب]

بہت خوب ہمہ رنگ شراکت پر بیحد شکریہ محترم بھائی

 

[محمد خلیل الرحمٰن]

بہت مزے دار شیئرنگ جناب۔واہ۔

 

[سید زبیر]

اگرچہ میری حسِ مزاح کچھ خاص اچھی نہیں لیکن میرے ایک دوست نے نقوش کا طنزومزاح نمبر مجھے کافی عرصے پہلے تحفہ میں دیا تھا
آج وہ اچانک الماری کی صفائی کے دوران ہاتھ لگا اس میں سے آپ کی خدمت میں گاہے بگاہے کچھ پیش کرتا رہوں گا

بہت خوبصورت شراکت
آئیندہ کے لیے منتظر ہوں

 

[فلک شیر]

زبیر بھائی.......زبردست شئیرنگ........
ہوں منسٹر مستند ہے میرا فرمایا ہوا

 

[سیدہ شگفتہ]

 

[نزرانھ بٹ]

ھاھھاھھاھاھھاھاھھاھاھھاھا زبردست۔ اچھی شاعری تھی سر۔