درد :::: مثلِ نگِیں جو ہم سے ہُوا کام رہ گیا

[طارق شاہ]

غزلِ ​

خواجہ میر درد ​

​

مثلِ نگِیں جو ہم سے ہُوا کام رہ گیا​

ہم رُو سیاہ جاتے رہے نام رہ گیا​

​

یارب یہ دل ہے یا کوئی مہماں سرائے ہے​

غم رہ گیا کبھو، کبھو آرام رہ گیا​

​

ساقی مِرے بھی دل کی طرف ٹک نِگاہ کر​

لب تشنہ تیری بزْم میں یہ جام رہ گیا​

​

سو بار سوزِ عشق نے دی آگ، پر ہنوز​

دل وہ کباب ہے کہ جِگر خام رہ گیا​

​

ہم کب کے چل بسے تھے پر اے مژدۂ وصال​

کچھ آج ہوتے ہوتے سرانجام رہ گیا​

​

​

مدت سے وہ تپاک تو موقوف ہو گئے
اب گاہ گاہ بوسہ بہ پیغام رہ گیا​

​

​

​

ازبس کہ ہم نے حرف دُوئی کا اُٹھا دیا​

اے درد اپنے وقت میں ایہام رہ گیا ​

​

خواجہ میر درد​

​

 

[حسان خان]

یہ خوبصورت غزل پیش کرنے کے لیے شکریہ

اس غزل میں مقطع سے پہلے یہ شعر بھی ہے:

مدت سے وہ تپاک تو موقوف ہو گئے​

اب گاہ گاہ بوسہ بہ پیغام رہ گیا​

 

[طارق شاہ]

یہ خوبصورت غزل پیش کرنے کے لیے شکریہ

اس غزل میں مقطع سے پہلے یہ شعر بھی ہے:

مدت سے وہ تپاک تو موقوف ہو گئے​

اب گاہ گاہ بوسہ بہ پیغام رہ گیا​

خان صاحب! تشکّر
شامل کردیجیے اِسے
سید زبیر صاحب نے فیض صاحب کا کیا ہی خوب کلام جو یہاں پیش کیا، تو اس کے اِک مصرع :
"جو گاہ گاہ جُنوں اِختیار کرتے رہے"
سے خواجہ میر درد کی بالاغزل یاد آگئی تھی ۔
مگر میرے پاس پوری غزل نہیں تھی اور شعر پورا یاد بھی نہیں تھا

تشکّر ایک بار پھر سے
بہت خوش رہیں

 

[حسان خان]

خان صاحب! تشکّر
شامل کردیجیے اِسے

میرے پاس دوسروں کے مراسلوں میں ترمیم کرنے کا اختیار نہیں ہے۔ البتہ میں نے منتظمین کو مطلع کر دیا ہے، اُن میں سے کوئی اس شعر کو غزل میں شامل کر دے گا۔

 

[طارق شاہ]

میرے پاس دوسروں کے مراسلوں میں ترمیم کرنے کا اختیار نہیں ہے۔ البتہ میں نے منتظمین کو مطلع کر دیا ہے، اُن میں سے کوئی اس شعر کو غزل میں شامل کر دے گا۔

انشاللہ۔
تشکّر
بہت خوش رہیں

 

[صائمہ شاہ]

واہ بہت خوب

 

[عمر سیف]

بہت خوب

 

[محمد خلیل الرحمٰن]

یہ خوبصورت غزل پیش کرنے کے لیے شکریہ

اس غزل میں مقطع سے پہلے یہ شعر بھی ہے:

مدت سے وہ تپاک تو موقوف ہو گئے​

اب گاہ گاہ بوسہ بہ پیغام رہ گیا​

خان صاحب! تشکّر
شامل کردیجیے اِسے
سید زبیر صاحب نے فیض صاحب کا کیا ہی خوب کلام جو یہاں پیش کیا، تو اس کے اِک مصرع :
"جو گاہ گاہ جُنوں اِختیار کرتے رہے"
سے خواجہ میر درد کی بالاغزل یاد آگئی تھی ۔
مگر میرے پاس پوری غزل نہیں تھی اور شعر پورا یاد بھی نہیں تھا

تشکّر ایک بار پھر سے
بہت خوش رہیں

جی تدوین کردی ہے۔

 

[عمراعظم]

بہت خوبصورت کلام۔ شیئر کرنے کے لئے شکریہ۔

 

[طارق شاہ]

واہ بہت خوب

صائمہ شاہ صاحبہ!
ممنون ہوں اظہار خیال کے لئے، خوشی ہوئی جو انتخاب پسند آیا
بہت خوش رہیں

 

[طارق شاہ]

بہت خوب

تشکّر سیف صاحب اظہار خیال اور غزل کی پذیرائی پر!
بہت خوش رہیں

 

[طارق شاہ]

جی تدوین کردی ہے۔

جناب خلیل الرحمان صاحب!
کیا کہنے ، بہت ممنون ہوں

تشکّر اور بہت شاد رہیں

 

[طارق شاہ]

بہت خوبصورت کلام۔ شیئر کرنے کے لئے شکریہ۔

جناب عمر اعظم صاحب!
غزل پر آپ کے اظہار خیال و پذیرائی کے لئے ممنون ہوں
بہت مسرّت ہوئی جو انتخاب آپ کو پسند آیا
ہمّت افزئی کے کے تشکّر

بہت خوش رہیں

 

[شمشاد]

خوبصورت کلام ہے۔

شریک محفل کرنے کا شکریہ۔

امید ہے آئندہ بھی کلام شریک محفل کرتے رہیں گے۔

 

[سید شہزاد ناصر]

دل میں اتر جانے والا کلام
ایک ایک شعر انتخاب ہے
شریک محفل کرنے کا شکریہ
شاد و آباد رہیں

 

[طارق شاہ]

خوبصورت کلام ہے۔

شریک محفل کرنے کا شکریہ۔

امید ہے آئندہ بھی کلام شریک محفل کرتے رہیں گے۔

دل میں اتر جانے والا کلام
ایک ایک شعر انتخاب ہے
شریک محفل کرنے کا شکریہ
شاد و آباد رہیں

اظہار خیال اور ہمت افزائی کے لئے تشکّر صاحبان !
خوشی ہوئی کہ منتخبہ غزل آپ کو پسند آئی
بہت خوش رہیں

 

[mohsin ali razvi]

تمام اھل اسلام کو قلعہ اسلام کی آزادی مبارک ۔۔۔۔۔دعا ھے کے اس میں بسنے والے تمام اقوام شادو آباد ھو ( آمین )