محمد شمیل قریشی
محفلین
لونجی ( راجستانی سالن )
اجزاء :
کیری ( کچے آم ) ۔۔۔۔۔۔۔۔۔۔آدھا کلو
پیاز ۔۔۔۔۔۔۔۔۔۔۔۔۔۔۔۔۔۔۔۔۔۔درمیانی جسامت کے دو عدد
گڑھ ۔۔۔۔۔۔۔۔۔۔۔۔۔۔۔۔۔۔۔۔۔۔آدھا کلو
سفید زیرہ ۔۔۔۔۔۔۔۔۔۔۔۔۔۔۔۔ایک چائے کا چمچ
سرخ مرچ ۔۔۔۔۔۔۔۔۔۔۔۔۔۔۔۔۔پسی ہوئی ، ایک چائے کا چمچ
دھنیا ۔۔۔۔۔۔۔۔۔۔۔۔۔۔۔۔۔۔۔۔۔پسی ہوئی ، ایک چائے کا چمچ
ہلدی ۔۔۔۔۔۔۔۔۔۔۔۔۔۔۔۔۔۔۔۔۔پسی ہوئی ، چائے کا آدھا چمچ
کوکنگ آئل ۔۔۔۔۔۔۔۔۔۔۔۔۔۔ایک کپ
ترکیب :
کچے آموں کا چھلکا اتار کر گٹھلی الگ کریں اور ایک آم کے آٹھ ٹکڑے کاٹ لیں ۔ پتیلی میں پانی گرم کر کے کٹے ہوئے آموں کو پانچ منٹ تک جوش دے کر اتار لیں اور چھان کر کسی ٹرے میں نکال کر رکھ دیں ۔ آئل گرم کر کے زیرہ کڑکڑائیں اور پھر پسی ہوئی پیاز ، نمک ، ہلدی ، دھنیا اور مرچ بھی ڈال کر مسالہ اچھی طرح بھون لیں ۔ جب مسالہ آئل چھوڑ دے اور خوشبو آنے لگے تو اس میں ابالے ہوئے کچے آم ڈال کر چند سیکنڈ تک بھوننے کے بعد اس میں گڑ بھی شامل کر دیں ۔ تھوڑی دیر کے لیئے ڈھکن ڈھانپ کر پکائیں اور ضرورت ہو تو آدھا کپ پانی بھی ملا دیں ۔ پانی خشک ہونے پر اتار کر ٹھنڈا ہونے دیں اور کسی بوتل یا جار میں ڈال کر فریج میں رکھ دیں ، پراٹھوں کے ساتھ تناول کرنے پر لطف آ جائے گا ۔
