نوید صادق
محفلین
خالد احمد
غزل
اک اجاڑ بستی کا اک اداس جادہ تھا
اور بادیہ پیما ایک مستِ بادہ تھا
حسنِ کم نگاہی پر عمر بھر نہ کھل پایا
دل کی بند مٹھی میں ایک حرف سادہ تھا
عمر بھر کے غم لے کے چشم نم اُمڈ آئے
وجہ ِ گرم بازاری اک غلام زادہ تھا
ہرمحل پہ سایہ تھا کچھ دراز پلکوں کا
خواب خواب آنکھوں میں ایک شاہ زادہ تھا
بادشاہ کے گھر تک آنچ کس طرح آتی
اس بساط پر باقی اب تک اک پیادہ تھا
صبر کا علم اب تک سربلند تھا لیکن
شہرِ گنگ میں چرچا جبر کا زیادہ تھا
قافلے ہواﺅں کے دل بہ کف گداﺅں کے
دشت میں نکل آئے، شہر کا ارادہ تھا
شاخ شاخ تھی جس کی، کل بہار پیرایہ
وہ ہزار پیراہن آج بے لبادہ تھا
ایک دن تو دھلنا تھے داغ نارسائی کے
ہم بھی جانتے تھے یہ قتل بے ارادہ تھا
شکوہ کج ادائی کا، رنج نا رسائی کا
اور پارسائی کا، ہر سخن اعادہ تھا
شہر ِ ہجر میں خالد دوست دو ہمارے تھے
اک چراغِ جادہ تھا، اک رُخِ کشادہ تھا
رات کی سیاہی بھی پڑ رہی تھی کم خالد
اک چراغ زادہ تھا، اک چراغِ جادہ تھا
اور بادیہ پیما ایک مستِ بادہ تھا
حسنِ کم نگاہی پر عمر بھر نہ کھل پایا
دل کی بند مٹھی میں ایک حرف سادہ تھا
عمر بھر کے غم لے کے چشم نم اُمڈ آئے
وجہ ِ گرم بازاری اک غلام زادہ تھا
ہرمحل پہ سایہ تھا کچھ دراز پلکوں کا
خواب خواب آنکھوں میں ایک شاہ زادہ تھا
بادشاہ کے گھر تک آنچ کس طرح آتی
اس بساط پر باقی اب تک اک پیادہ تھا
صبر کا علم اب تک سربلند تھا لیکن
شہرِ گنگ میں چرچا جبر کا زیادہ تھا
قافلے ہواﺅں کے دل بہ کف گداﺅں کے
دشت میں نکل آئے، شہر کا ارادہ تھا
شاخ شاخ تھی جس کی، کل بہار پیرایہ
وہ ہزار پیراہن آج بے لبادہ تھا
ایک دن تو دھلنا تھے داغ نارسائی کے
ہم بھی جانتے تھے یہ قتل بے ارادہ تھا
شکوہ کج ادائی کا، رنج نا رسائی کا
اور پارسائی کا، ہر سخن اعادہ تھا
شہر ِ ہجر میں خالد دوست دو ہمارے تھے
اک چراغِ جادہ تھا، اک رُخِ کشادہ تھا
رات کی سیاہی بھی پڑ رہی تھی کم خالد
اک چراغ زادہ تھا، اک چراغِ جادہ تھا
(خالد احمد)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔