غزل برائے اصلاح

[ارشد چوہدری]

افاعیل - مفعول فاعلاتُ مفاعیل فاعلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دل سے کسی کا پیار بُھلانا نہ چاہئے
نقشِ خیال دل سے مٹانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انسان کا جو دل ہے ،وہ نازک سی چیز ہے
دنیا میں دل کسی کا دُکھانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عزّت کسی کی دل سے جو کرتے ہو تم اگر
نظروں سے پھر تو اُس کو گرانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جینا پڑے گا تم کو ہو جیسی بھی زندگی
شکوہ زباں پہ تیری تو آنا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دیتا ہے رب ہی سب کو ، ہے مالک سبھی کا وہ
در پر کسی کے سر کو جھکانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کر دو معاف اُس کو ، خطا مانتا ہو جو
جو چل کے آگیا ہو ، اُٹھانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عزّت کرو سبھی کی ، تمہیں چاہتے ہیں جو
نیکی کرو جو ان سے ، جتانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد وفا کو اُس کی بھلانا نہیں کبھی
محبوب ہے وہ تیرا ، ستانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[ارشد چوہدری]

الف عین

 

[الف عین]

دل سے کسی کا پیار بُھلانا نہ چاہئے
نقشِ خیال دل سے مٹانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دوسرا مصرع بے ربط لگ رہا ہے۔ نقشِ خیال سے مطلب؟

انسان کا جو دل ہے ،وہ نازک سی چیز ہے
دنیا میں دل کسی کا دُکھانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

عزّت کسی کی دل سے جو کرتے ہو تم اگر
نظروں سے پھر تو اُس کو گرانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پھر تو بھرتی کا لگتا ہے کہ اس کے بغیر بھی بات مکمل ہو جاتی ہے
مفہوم کے اعتبار سے کیا دل سے عزت کر کے بھی کسی کو کوئی نظروں سے گرا سکتا ہے؟

جینا پڑے گا تم کو ہو جیسی بھی زندگی
شکوہ زباں پہ تیری تو آنا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وہی شتر گربہ، پہلے مصرع میں 'تجھ کو' کر دیں. دوسرا مصرع بھی یوں بہتر نہیں لگتا؟
شکوہ تری زبان پہ آنا....

دیتا ہے رب ہی سب کو ، ہے مالک سبھی کا وہ
در پر کسی کے سر کو جھکانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کسی 'اور' کے در کہنا ضروری ہے۔ اس کے علاوہ محض 'سر جھکانا' درست محاورہ ہے

کر دو معاف اُس کو ، خطا مانتا ہو جو
جو چل کے آگیا ہو ، اُٹھانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عجز بیان ہے، اسے اٹھانا نہ چاہیے کہنا ضروری ہے لیکن کس کو، جو دونوں شرطیں پوری کرے؟ چل کے آیا ہو، کسی سواری پر نہ آیا ہو؟ اور اپنی خطا مانتا ہو؟

عزّت کرو سبھی کی ، تمہیں چاہتے ہیں جو
نیکی کرو جو ان سے ، جتانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دو لخت لگتا ہے

ارشد وفا کو اُس کی بھلانا نہیں کبھی
محبوب ہے وہ تیرا ، ستانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 'اسے ستانا' کہنا چاہ رہے ہو؟ دونوں الگ الگ باتیں ہیں ستانا اور وفا بھلانا۔

 

[ارشد چوہدری]

اصلاح کے بعد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دل سے کسی کا پیار بھلانا نہ چاہئے
اُس کا خیال دل سے مٹانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انسان کا جو دل ہے،وہ نازک سی چیز ہے
دنیا میں دل کسی کا دُکھانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دل میں اگر دیا ہے کسی کو مقام تو
نظروں سے پھر تو اس کر گرانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جینا پڑے گا تجھ کو ہو جیسی بھی زندگی
شکوہ تیری زباں پہ آنا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سب کو کِھلا رہا ہے،وہ رازق سبھی کا ہے
غیروں کے در پہ سر تو جھکانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کر دو معاف اس کو ، خطا کو جو مان لے
جو جھک گیا ہو خود ہی ، جھکانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم بھول جاؤ کر کے کیا ہے جوبھی بھلا
احساں کسی پہ کر کے جتانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد وفا کو اُس کی بھلانا نہیں کبھی
دل میں جو پیار ہے وہ گھٹانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

دل سے کسی کا پیار بھلانا نہ چاہئے
اُس کا خیال دل سے مٹانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک

انسان کا جو دل ہے،وہ نازک سی چیز ہے
دنیا میں دل کسی کا دُکھانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

دل میں اگر دیا ہے کسی کو مقام تو
نظروں سے پھر تو اس کر گرانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 'پھر تو اس کر' ہو یا 'پھر تو اس کو' تو بہر حال زائد ہے ' نظروں سے پھر اسی کو' بہتر ہے

جینا پڑے گا تجھ کو ہو جیسی بھی زندگی
شکوہ تیری زباں پہ آنا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 'تیری زباں' بحر میں نہیں 'تری زبان' درست ہے

سب کو کِھلا رہا ہے،وہ رازق سبھی کا ہے
غیروں کے در پہ سر تو جھکانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یہاں بھی 'تو' بھرتی ہے، 'سر کو جھکانا' بہتر ہو گا

کر دو معاف اس کو ، خطا کو جو مان لے
جو جھک گیا ہو خود ہی ، جھکانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک، اگرچہ 'اسے مزید' کے بغیر روانی نہیں رہتی

تم بھول جاؤ کر کے کیا ہے جوبھی بھلا
احساں کسی پہ کر کے جتانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ' جوبھی' محض 'جُبی' آ رہا ہے 'بھی بھلا' بھی صوتی طور پر برا لگتا ہے
جو کچھ بھلا کیا ہے اسے بھول جاؤ تم

ارشد وفا کو اُس کی بھلانا نہیں کبھی
دل میں جو پیار ہے وہ گھٹانا نہ چاہئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک اگر دل میں پیار کا گھٹانا بڑھانا کسی کے اختیار میں ہو