غزل برائے اصلاح

[ارشد چوہدری]

بحر - جمیل مثمن سالم ( مفاعلاتن مفاعلاتن مفاعلاتن مفاعلاتن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غریب کر کے ہمیں ہے چھوڑا تمہیں نے لوٹا وطن ہمارا
حساب دینا پڑے گا تم کو کیوں ہے لوٹا چمن ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دعا نہ دے گا غریب تم کو سکون تم بھی نہ پا سکو گے
تمہیں تو اس کی سزا ملے گی جو ہم سے چھینا کفن ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہمیں تو اتنی سمجھ نہیں تھی تبھی نہ بولے کبھی بھی کچھ ہم
یہ ظلم تمہارا کم نہیں ہے ہمیں سے چھینا سُخن ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمہیں بنایا تھا ہم نے رہبر مگر تھے تم تو بڑے ہی رہزن
سمجھ لیا تھا تمہیں کو اپنا تمہیں نے نوچا بدن ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر ہمیں یہ گمان ہوتا کبھی نہ ہم اعتبار کرتے
نہیں تھے رہبر بڑے ہو ظالم تمہیں نے بدلا ذہن ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کبھی نہ سمجھو کسی کو مخلص سبق ملا ہے تمہیں یہ ارشد
خیال رکھنا نہ چھین پائے کبھی بھی کوئی چلن ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

محض اغلاط کی نشاندہی کر رہا ہوں
غریب کر کے ہمیں ہے چھوڑا تمہیں نے لوٹا وطن ہمارا
حساب دینا پڑے گا تم کو کیوں ہے لوٹا چمن ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کیوں کا تلفظ کئی بار بتا چکا ہوں کہ 'کو' ہو گا.، کِ یو' نہیں
ہے چھوڑا .. رواں نہیں

دعا نہ دے گا غریب تم کو سکون تم بھی نہ پا سکو گے
تمہیں تو اس کی سزا ملے گی جو ہم سے چھینا کفن ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کفن چھیننے کی بات سمجھ میں نہیں آئی

ہمیں تو اتنی سمجھ نہیں تھی تبھی نہ بولے کبھی بھی کچھ ہم
یہ ظلم تمہارا کم نہیں ہے ہمیں سے چھینا سُخن ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تم۔ ہارا نہیں تمارا تقطیع درست ہے
سخن زیادہ تر شاعری کے معنی میں استعمال ہوتا ہے گفتگو کے لیے نہیں

تمہیں بنایا تھا ہم نے رہبر مگر تھے تم تو بڑے ہی رہزن
سمجھ لیا تھا تمہیں کو اپنا تمہیں نے نوچا بدن ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بدن نوچنا پسند نہیں

اگر ہمیں یہ گمان ہوتا کبھی نہ ہم اعتبار کرتے
نہیں تھے رہبر بڑے ہو ظالم تمہیں نے بدلا ذہن ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ذہن کا تلفظ!

کبھی نہ سمجھو کسی کو مخلص سبق ملا ہے تمہیں یہ ارشد
خیال رکھنا نہ چھین پائے کبھی بھی کوئی چلن ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چلن چھینا جاتا ہے؟
مزید یہ کہ بھرتی کے الفاظ کی بھرمار ہے