شبد ، تحریری وارتک تے شاہ مکھی پنجابی دا لسانی وِشلیشن

[الف نظامی]

شبد ، تحریری وارتک تے شاہ مکھی پنجابی دا لسانی وِشلیشن
Word , Unicode prose and linguistic analysis of Punjabi Prose​

شبد اوہ ہوندا اے جیہڑا کسے لیکھک نے وارتک یا کویتا وچ ورتیا ہووے۔ جیہڑا شبد وارتک کاراں نے ورتیا ای نیں تے اوہ شبد ہے ای نہیں۔

کیوں جے شبد تاں زندہ ہوندے نیں جدوں اونہوں وارتک/کویتا وچ ورتیا جاوے تے انٹرنیٹ تے اوہ سارے شبد یونیکوڈ دی شکل وچ اکٹھے ہون تے گوگل تے ڈھونڈن نال لبھ سکن۔

پنجابی آلے ہجے تیکر انٹرنیٹ تے وارتک نوں تصویری شکل وچ پبلش کر رہے نیں۔جدوں تیکر وارتک دا یونیکوڈ ٹیکسٹ دی شکل وچ ذخیرہ نہیں ہووے گا ، کارپس (corpus) نہیں بݨے گا۔ کارپس نہیں بنڑے گا تے تسی زبان دا لسانی وِشلیشن (تجزیہ) نہیں کر سکدے۔

کارپس کیہ ہوندا اے؟
وارتک/کویتا دے ذخیرے نوں کارپس کہندے نیں جیہڑا کسے وی زبان دے لسانی وِشلیشن (analysis) لئی استعمال ہوندا اے۔ کارپس دا وِشلیشن (تجزیہ) لسانیات دا مہتّوپُورن(اہم) شعبہ اے۔زبان دے لسانی وِشلیشن لئی تہانوں وارتک دا ذخیرہ یا کارپس چاہی دا ہوندا اے۔