ناعمہ عزیز
لائبریرین
بچپن کی بہت سی باتیں یاد آئیں تو ایک دم ہنسی آ جاتی ہے کہ
اففففف میں بچپن میں کتنی بیوقوف تھی
شاید سب کو ہی کبھی نا کبھی زندگی کا وہ دور یاد آتا ہے کہ جب صحیح اور غلط کی پہچان نہیں ہوتی ، ہماری پریشانیاں اٹھانے کو بڑے سر پر موجود ہوتے ہیں ۔جب ساری دنیا کھلونوں سے شروع ہوتی ہے اور ان ہی پر ختم ہو جاتی ہے۔
مجھے یاد ہے جب میں چھوٹی تھی تو نانی اماں کے گھر گرمیوں کی چھٹیاں گزارنے جایا کرتے تھے ، بڑی خوشی خوشی ٹرین کا سفر کیا کرتے ، ہمیشہ کھڑکی والی سیٹ پر سب کی لڑائی ہوتی ، نانی اماں کے یہاں رات بڑی خوبصورت ہوا کرتی تھی اب جانے ہے کہ نہیں ، مگر تب رات کو ڈھیر سارے تاروں کی بارات آجاتی اور وہ آسمان پر اٹھکھلیاں کرتے ، آسمان رات کو بہت کالا ہوتا اور تارے اتنے زیادہ ہوتے تھے کہ گننا مشکل ہو جاتا تھا ،چاند تو اتنا قریب لگتا تھا کہ یوں ہاتھ بڑھاؤ اور چھو لو لیکن ہمارے یہاں ایسا نہیں ہوتا تھا آسمان پر گنتی کے ستارے نظر آیا کرتے تھے میں شادی سے پہلے تک اکثر ستارے گنتی گنتی سو جاتی تھی ،مجھے آج تک سمجھ نا آ سکی کہ نانی اماں کے یہاں کی رات اور ہمارے یہاں کی رات ایک جیسی کیوں نہیں ہوتی !
اور نانی جان کے گھر سے واپسی پر ٹرین تک کا سفر رو رو کے گزرتا اور جب ریلوے سٹیشن پر امی ٹکٹ لینے جایا کرتیں تو میری جان پر بن جاتی ۔ ڈر کے مارے سانس بھی بند ہو جایا کرتی ، امی کے پیچھے جانے کی اجازت نہیں ہوتی تھی ورنہ سامان کا دھیان کون رکھتا ، اور ہمیشہ مجھے یہ لگتا کہ امی ٹکٹ گھر کے دوسری طرف سے نکل کر نانی اماں کے یہاں چلی جائیں گی یا کہیں اور ، ہم لوگ اکیلے سٹیشن پر رہ جائیں گے ٹرین آئے گی اور چلی جائے گی ہمارا کیا بنے گا ۔۔۔ ہاہاہاہا
جب سکول جایا کرتے تھے تو ہمارے ہمسائیوں کے گھر کے لان کے گرد لگی باڑ پر چھوٹے چھوٹے پھول لگا کرتے جن کے پیچھے ایک کیپ بھی ہوتا تھا اسے اتار کر چوسنے پر اس پھول سے میٹھا رس نکلتا اور اسے پی کر جی خوش ہو جاتا ، میں صبح سویر ے سکول جاتے ہوتے اکثر چپکے سے وہ پھول توڑ لیا کرتی اور وہاں جا کر اپنی سب سے اچھی دوست کو دیتی۔ اور پچھلے دنوں جب میں امی کے یہاں گئی تو میں نے دیکھا کہ ہمسائیوں نے لان کے گرد وہ باڑ ہٹا کر دوسری باڑ لگو ا لی ہے دیکھ کر دل کو دکھ سا ہوا میں نے امی سے کہا یہ والی باڑ بالکل اچھی نہیں لگتی
ایک پھول ہوتا ہے Dandelion۔۔ اکثر کہیں نا کہیں اُڑتا پھرتا دکھائی دیتا ہے ہم چھوٹے ہو تے اسے "مائی پونڈی" کہا کرتے تھے اور ہمیں یقین تھا کہ وہ اللہ میاں کے پاس جاتا ہے ، تو جب بھی وہ کہیں نظر آتا اسے بڑے پیار سے ہاتھ میں پکڑتے اور کہتے
"مائی پونڈی مائی پونڈی اللہ نوں میرا سلام کہیں "
بہت سےکام تو میں بڑے ہو کر بھی بڑی معصومیت سے کیے، جب نیا نیا موبائل استعمال کرنا شروع کیا تو ایزی لوڈ کا پتا ہی نہیں ہوتا تھا، ایک دن کالج میں بھائی کو کال کرنا تھی مجھے آ کر لے جاؤ مگر موبائل میں بیلنس ہی نہیں تھا اور میرے پاس صرف پچاس روپے تھے تو میں نے چوکیدار کو پیسے دئیے اور کہا کہ ایزی لوڈ کروا دینا اور نمبر نہیں دیا ، تھوڑی دیر بعد وہ واپس آیا اور کہا کہ دوکاندار نمبر مانگ رہا ہے مجھے شک گزرا میں نے چوکیدار سے کہا کہ اسے کہو ایسے ہی کر دے ، وہ دوبارہ گیا اور واپس آکر بھی اس نے یہی بات کہی کہ دوکاندار نمبر مانگ رہا ہے ، تب مجھے بڑا غصہ آیا میں نے دل ہی دل میں دوکاندار کو بڑا بھلا کہا اور غلط نمبر لکھ کر دے دیا ، چوکیدار چلا گیا واپس آیا تو میرے ذہن میں یہی تھا کہ جیسے کارڈ کا نمبر ڈالیں تو بیلنس مل جاتا ہے اس کا بھی کوئی نمبر ملے گا
جب میں نے چوکیدار سے پوچھا کہ بیلنس ؟
تو وہ کہنے لگا ہو گیا ؟
میں نے کہا کہا ں ہو گیا ؟
کہنے لگا باجی جو نمبر آپ نے دیا تھا دوکاندار کہہ رہا ہے کہ اس نمبر پر بیلنس ہو گیا
اففففففف میرے تو صحیح معنوں میں چودہ طبق روشن ہو گئے ہاہاہاہاہا آج بھی جب یہ بات یاد آتی ہے تو ہنس ہنس کے دوہری ہو جاتی ہوں ۔
جب بھائی نے مجھے نیا نیا اردو محفل پر اکاونٹ بنا کر دیا تو مجھے یہ بھی پتا نہیں ہوتا تھاکہ آئی ڈی اور پاسورڈ بھی کسی بلا کا نام ہوتے ہیں ، میں اکثر اردو محفل پر آوارہ گردی کرتی اور سوچتی کہ یہاں پر لوگ کیسے لکھتے ہوں گے میں تو لکھ ہی نہیں سکتی اور پھر تنگ آ کر بند کر دیتی کہ کوئی فائدہ نہیں ، ایک دن میں نے بھائی سے پوچھا کہ لوگ یہاں لکھتے کیسے ہیں تب انہوں نے بتایا کہ میں نے تمھیں آئی اور پاسورڈ تو دیا ہی نہیں ۔
اور وہ بات کہ جس نے مجھے یہ لکھنے پر مجبور کیا وہ یہ تھا کہ آج صبح میں یونہی فیس بک پر آوارہ گردی کر رہی کہ میں نے مختلف "بک مارکس " دیکھے ۔ ایک دم سے میری ہنسی نکل گئی چھبیس سال میں یہ بات مجھے کبھی پتا نہیں چلی ، ہم چھوٹے ہوتے تھے تو کورس کتاب کے اندر مور کے پر سے علیحدہ ہوئے تنکے رکھا کرتے تھے اور ساتھ ہی چینی بھی ڈال دیا کرتے تھے تب ہمارے خیال کے مطابق وہ چینی مور کی غذا تھی اور اسے کھا کر ایک دن وہ حقیقت میں مور بن جائیں گے ، ہر ہفتے بعد کتاب کا وہ ورق کھول کر دیکھنا اور چینی تبدیل کرنی اور یہ یقین کی حد تک یہ گمان بھی رکھنا کہ ہاں یہ تھوڑے بڑے ہو گئے ہیں بس جلدی مور بن جائیں گے ، ہاہاہاہاہاہاہا مگر یہ راز آج افشا ہوا کہ دراصل لوگ موروں کے پر بک مارکس کے طور پر استعمال کرتے ہیں نا کہ مور بنانے کے لئے ۔۔۔
اففففف میں بچپن میں کتنی بیوقوف تھی
شاید سب کو ہی کبھی نا کبھی زندگی کا وہ دور یاد آتا ہے کہ جب صحیح اور غلط کی پہچان نہیں ہوتی ، ہماری پریشانیاں اٹھانے کو بڑے سر پر موجود ہوتے ہیں ۔جب ساری دنیا کھلونوں سے شروع ہوتی ہے اور ان ہی پر ختم ہو جاتی ہے۔
مجھے یاد ہے جب میں چھوٹی تھی تو نانی اماں کے گھر گرمیوں کی چھٹیاں گزارنے جایا کرتے تھے ، بڑی خوشی خوشی ٹرین کا سفر کیا کرتے ، ہمیشہ کھڑکی والی سیٹ پر سب کی لڑائی ہوتی ، نانی اماں کے یہاں رات بڑی خوبصورت ہوا کرتی تھی اب جانے ہے کہ نہیں ، مگر تب رات کو ڈھیر سارے تاروں کی بارات آجاتی اور وہ آسمان پر اٹھکھلیاں کرتے ، آسمان رات کو بہت کالا ہوتا اور تارے اتنے زیادہ ہوتے تھے کہ گننا مشکل ہو جاتا تھا ،چاند تو اتنا قریب لگتا تھا کہ یوں ہاتھ بڑھاؤ اور چھو لو لیکن ہمارے یہاں ایسا نہیں ہوتا تھا آسمان پر گنتی کے ستارے نظر آیا کرتے تھے میں شادی سے پہلے تک اکثر ستارے گنتی گنتی سو جاتی تھی ،مجھے آج تک سمجھ نا آ سکی کہ نانی اماں کے یہاں کی رات اور ہمارے یہاں کی رات ایک جیسی کیوں نہیں ہوتی !
اور نانی جان کے گھر سے واپسی پر ٹرین تک کا سفر رو رو کے گزرتا اور جب ریلوے سٹیشن پر امی ٹکٹ لینے جایا کرتیں تو میری جان پر بن جاتی ۔ ڈر کے مارے سانس بھی بند ہو جایا کرتی ، امی کے پیچھے جانے کی اجازت نہیں ہوتی تھی ورنہ سامان کا دھیان کون رکھتا ، اور ہمیشہ مجھے یہ لگتا کہ امی ٹکٹ گھر کے دوسری طرف سے نکل کر نانی اماں کے یہاں چلی جائیں گی یا کہیں اور ، ہم لوگ اکیلے سٹیشن پر رہ جائیں گے ٹرین آئے گی اور چلی جائے گی ہمارا کیا بنے گا ۔۔۔ ہاہاہاہا
جب سکول جایا کرتے تھے تو ہمارے ہمسائیوں کے گھر کے لان کے گرد لگی باڑ پر چھوٹے چھوٹے پھول لگا کرتے جن کے پیچھے ایک کیپ بھی ہوتا تھا اسے اتار کر چوسنے پر اس پھول سے میٹھا رس نکلتا اور اسے پی کر جی خوش ہو جاتا ، میں صبح سویر ے سکول جاتے ہوتے اکثر چپکے سے وہ پھول توڑ لیا کرتی اور وہاں جا کر اپنی سب سے اچھی دوست کو دیتی۔ اور پچھلے دنوں جب میں امی کے یہاں گئی تو میں نے دیکھا کہ ہمسائیوں نے لان کے گرد وہ باڑ ہٹا کر دوسری باڑ لگو ا لی ہے دیکھ کر دل کو دکھ سا ہوا میں نے امی سے کہا یہ والی باڑ بالکل اچھی نہیں لگتی
ایک پھول ہوتا ہے Dandelion۔۔ اکثر کہیں نا کہیں اُڑتا پھرتا دکھائی دیتا ہے ہم چھوٹے ہو تے اسے "مائی پونڈی" کہا کرتے تھے اور ہمیں یقین تھا کہ وہ اللہ میاں کے پاس جاتا ہے ، تو جب بھی وہ کہیں نظر آتا اسے بڑے پیار سے ہاتھ میں پکڑتے اور کہتے
"مائی پونڈی مائی پونڈی اللہ نوں میرا سلام کہیں "
بہت سےکام تو میں بڑے ہو کر بھی بڑی معصومیت سے کیے، جب نیا نیا موبائل استعمال کرنا شروع کیا تو ایزی لوڈ کا پتا ہی نہیں ہوتا تھا، ایک دن کالج میں بھائی کو کال کرنا تھی مجھے آ کر لے جاؤ مگر موبائل میں بیلنس ہی نہیں تھا اور میرے پاس صرف پچاس روپے تھے تو میں نے چوکیدار کو پیسے دئیے اور کہا کہ ایزی لوڈ کروا دینا اور نمبر نہیں دیا ، تھوڑی دیر بعد وہ واپس آیا اور کہا کہ دوکاندار نمبر مانگ رہا ہے مجھے شک گزرا میں نے چوکیدار سے کہا کہ اسے کہو ایسے ہی کر دے ، وہ دوبارہ گیا اور واپس آکر بھی اس نے یہی بات کہی کہ دوکاندار نمبر مانگ رہا ہے ، تب مجھے بڑا غصہ آیا میں نے دل ہی دل میں دوکاندار کو بڑا بھلا کہا اور غلط نمبر لکھ کر دے دیا ، چوکیدار چلا گیا واپس آیا تو میرے ذہن میں یہی تھا کہ جیسے کارڈ کا نمبر ڈالیں تو بیلنس مل جاتا ہے اس کا بھی کوئی نمبر ملے گا
جب میں نے چوکیدار سے پوچھا کہ بیلنس ؟
تو وہ کہنے لگا ہو گیا ؟
میں نے کہا کہا ں ہو گیا ؟
کہنے لگا باجی جو نمبر آپ نے دیا تھا دوکاندار کہہ رہا ہے کہ اس نمبر پر بیلنس ہو گیا
اففففففف میرے تو صحیح معنوں میں چودہ طبق روشن ہو گئے ہاہاہاہاہا آج بھی جب یہ بات یاد آتی ہے تو ہنس ہنس کے دوہری ہو جاتی ہوں ۔
جب بھائی نے مجھے نیا نیا اردو محفل پر اکاونٹ بنا کر دیا تو مجھے یہ بھی پتا نہیں ہوتا تھاکہ آئی ڈی اور پاسورڈ بھی کسی بلا کا نام ہوتے ہیں ، میں اکثر اردو محفل پر آوارہ گردی کرتی اور سوچتی کہ یہاں پر لوگ کیسے لکھتے ہوں گے میں تو لکھ ہی نہیں سکتی اور پھر تنگ آ کر بند کر دیتی کہ کوئی فائدہ نہیں ، ایک دن میں نے بھائی سے پوچھا کہ لوگ یہاں لکھتے کیسے ہیں تب انہوں نے بتایا کہ میں نے تمھیں آئی اور پاسورڈ تو دیا ہی نہیں ۔
اور وہ بات کہ جس نے مجھے یہ لکھنے پر مجبور کیا وہ یہ تھا کہ آج صبح میں یونہی فیس بک پر آوارہ گردی کر رہی کہ میں نے مختلف "بک مارکس " دیکھے ۔ ایک دم سے میری ہنسی نکل گئی چھبیس سال میں یہ بات مجھے کبھی پتا نہیں چلی ، ہم چھوٹے ہوتے تھے تو کورس کتاب کے اندر مور کے پر سے علیحدہ ہوئے تنکے رکھا کرتے تھے اور ساتھ ہی چینی بھی ڈال دیا کرتے تھے تب ہمارے خیال کے مطابق وہ چینی مور کی غذا تھی اور اسے کھا کر ایک دن وہ حقیقت میں مور بن جائیں گے ، ہر ہفتے بعد کتاب کا وہ ورق کھول کر دیکھنا اور چینی تبدیل کرنی اور یہ یقین کی حد تک یہ گمان بھی رکھنا کہ ہاں یہ تھوڑے بڑے ہو گئے ہیں بس جلدی مور بن جائیں گے ، ہاہاہاہاہاہاہا مگر یہ راز آج افشا ہوا کہ دراصل لوگ موروں کے پر بک مارکس کے طور پر استعمال کرتے ہیں نا کہ مور بنانے کے لئے ۔۔۔
آخری تدوین:
