ایساف تے پاکستانی فوجی قیادت دے اک دوجے نال تعاون وارے گل بات

[لقمان پنجابی]

راولپنڈی (01/04/2013 )۔۔ پاک فوج دے سربراہ جنرل اشفاق پرویز کیانی تے انٹرنیشنل سکیورٹی اسسٹنس فورسز دے سربراہ جنرل جوزف ایف ڈنفورڈ نے اج تین فریقی کمیشن دیاں خطے وچ استحکام تےفوجی تعاون دے حوالے نال جاری کوششاں دے سلسلہ وچ گل بات کیتی۔​

اے جنرل جوزف ڈنفورڈ دا بطور ایساف کمانڈر پہلا پاکستان دا دورہ وے، تا پاکستان ایساف تے پاکستان دے تعلقات دی اہمیت دے نوں سامنڑے رکھدے ہویاں او اپنڑی ہنڑ دی ذمہ داری سامبھنڑ توں پہلے وی جنرل کیانی نال ملاقات کر چکے نے۔​

اج ہونڑ آلی ملاقات دے وچ دوواں فوجی قائداں نے مختلف مسئلیاں تے دوطرفہ تعاون نو پکا کرنڑ تے پاک - افغان سرحد تے دوواں پاسے سلامتی لئی خطرہ سمجھے جانڑ آلے جنگجواں تے دبا ودھاونڑ وارے گل بات کیتی۔​

جنرل کیانی نے ایک پُرامن، مستحکم تے اک ایکے والے افغانستان دی خواہش تے افغانیاں دےے اپنڑی قیادت دے تھلے امن دے عمل دی ضرورت دا اعادہ کیتا۔ انہاں نے پاک۔افغان سرحدی علاقے وچ امن لئ جاری کوششاں دی حمایت دی ضرورت تے زور دیتا۔ جنرل کیانی نے ایساف تے زور پایا کہ او افغانستان دے اندر کیتے جانڑ آلے سرحد پار حملیاں دی روک لئ پاکستان دی مدد کرنڑ۔​

جنرل ڈنفورڈ نے آکھیا کہ پاکستانی ،افغانی تے بین الاقوامی برادری ساری اکھٹی خطے وچ امن تے سلامتی دی چاہ رکھدے نے۔ اے ملاقاتاں اناں اہداف دے حاصل کرنڑ لئی ضروری نے تے اسی تعلقات نوں ہور ودھانڑ لئی نویاں راہواں لب رہے آں۔​

لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ​

digitaloutreach@state.gov​

www.state.gov​

http://www.facebook.com/USDOTPunjabi​

 

[فاتح]

امریکا دیا دلالا! توں ایہہ لکھنا بھل گیا ایں کہ چیف آف آرمی سٹاف نے تہاڈے جرنیل نوں ایہہ وی آکھیا اے کہ افغانستان دی سرحد دے اندروں پاکستان تے ہون والے حملیاں دی سپورٹ کرنا بند کر دوے۔

 

[لقمان پنجابی]

امریکا دیا دلالا! توں ایہہ لکھنا بھل گیا ایں کہ چیف آف آرمی سٹاف نے تہاڈے جرنیل نوں ایہہ وی آکھیا اے کہ افغانستان دی سرحد دے اندروں پاکستان تے ہون والے حملیاں دی سپورٹ کرنا بند کر دوے۔

اسلام و علیکم،​

میرا خیال اے کے تسی میرا پیغام پورا یا فیر دھیان نال نہی پڑھیا، میں تواڈے اعتراض دا ذکر آخری توں پہلے پیرے وچ کیتا وے "جنرل کیانی نے ایساف تے زور پایا کہ او افغانستان دے اندر[وں] کیتے جانڑ آلے سرحد پار حملیاں دی روک لئ پاکستان دی مدد کرنڑ" بہر حال جنرل کیانی دا بیان تواڈے بیان نالوں کئی درجے مختلف وے، تسی تے سازشی کہانڑياں تے ایمان رکھنڑ آلیاں نوں پیچھے چھڈ کے اپنڑی تھیوری منوانڑ لئی سرکاری افسر دا بیان وی تروڑ مروڑ کے لوکاں سامنڑے رکھہ چھڈیا وے۔ ​

توانوں نئی لگدا کے اے گل کھلے تضاد توں ودھ کجھہ نہی کے اک پاسے تے امریکہ ارباں ڈالر لا کے افغانستان وچ دھشت گرداں خلاف جنگ لڑریہا، پاکستان نوں لوکائی دھشت گرداں خلاف جنگ وچ ٹیک دے ریہا وے، تے ہزاراں پاکستانیاں دی ذندگیاں دے سکھہ لئی کوششاں پے کردا وے، تے دوجے پاسے، دھشت گرداں دی مدد نال پاکستان تے حملے کروائے؟ مینوں تے تواڈے اے سرپیراں تو فارغ الزام دی کوئی وجہ ایس گل تو علاوہ کوئی نظر نہی اوندی کے تسی امریکہ وارے مخالفت برائے مخالفت دا چا پورا کررہے او, اے سوچے سمجھے بغیر کے تسی اوناں لوکاں دا ڈاھڈا دل دکھا رہے او جیڑے کسے ناں کسے طریقے نال دھشت گردی دی اگ توں متاثر نے۔ ایہو جئے اکھاں میٹ کے تے عقل تے پردہ سٹ کے لکھے ہوئے بیان پڑھ کے کالعدم تنظیماں، ٹی ٹی پی، لشکرے جھنگوی، تے سپاہ صحابہ دے جیالیاں دے دلاں وچ ٹھنڈ پے جاندی ہونڑی اے کے چالی ہزار توں بوہتے معصوم پاکستانیاں دے قتل دے باوجود بلاگراں، لکھاریاں تے نقطہ چیناں دا گھاٹا نہی جیڑے اوناں دے ظلم دا ذمہ امریکہ دے متھے تھوپنڑ لگے دیر نہی لونڑ گے۔ مینوں امید اے اکھانڑ "بولنڑ توں پہلے سوچو" تسی بچپن توں لے کے ہونڑ تائیں کئی واری سنڑیا ہووے گا: میری اک صلاح منوں تے ایدے تے عمل شروع کردیوو کیونکہ چنگی گل تے عمل وچ دیر کوئی نہی۔​

تواڈی یاد دیہانی لئی ایس مسئلے تے امریکی پالیسی ‎اک واری فیر دس ریہاں۔ امریکی حکومت نا صرف پاکستان پر پوری دنیا توں دھشت گردی مکاونڑ لئی ڈٹی ہوئی وے۔ اسی پاکستان دی سرکار، سرکاری سرپنچاں، سول سوسائیٹی، تے دوجیاں غیر سرکاری تنظیماں نال رل کے پاکستان وچ مختلف دھڑیاں تے کم کر رہے آں۔ ہوسکدا ساڈیاں کوششاں دے پھل وچ دیر ہووے پر سانوں پیڈا یقین اے کے اساں رل کے اک تگڑا، پیڈا، تے مالی طور تے امیر پاکستان بناونڑ وچ کامیاب ہوواں گے۔​

لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ​

digitaloutreach@state.gov​

www.state.gov​

http://www.facebook.com/USDOTPunjabi​

 

[آبی ٹوکول]

لعنتی امریکہ دنیا دا سب تو ں وڈا دہشت گرد آپ اے جدوں او بے غیرت ایس خطت وچوں دفا ہوجاوے گا تے امن آ`پنے آپ ای ایس خطے وچ آ جاوے گا