شو کمار بٹالوی اوہ دانا سی

[سید شہزاد ناصر]

اوہ دانا سی
اوہ بینا سی
اوہدے اُچ خیال
میری کیہ مجال

اوہدیاں گلاں
اوہدے شعر
تگڑے لئی بھُچال
میری کیہ مجال

اوہ جو سوچے
اوہ جو لکھدا
میرے اندر وی اوہ پنُگرن
ماڑے اندر جو سوال
میری کیہ مجال

اوس نوں گا کے
ایتھے خوش نیں
ساڈے اُچ قوال
میری کیہ مجال

اوہ گُنی سی
گُناں نال بھریچے، اوس
لفظالی دے تھال
میری کیہ مجال

اوہ وکھاوے شیشہ سانوں
نالے چوونے
شعراں نال
میری کیہ مجال

اوہ لفظاں دا شاہ سی لوکو
اج وی پئے اُڈیکن اوہنوں
ساڈے سُر تے تال
میری کیہ مجال

اوہدیاں نظماں
اوہدیاں غزلاں
ساڈے لئی مثال
میری کیہ مجال

جا کے اوس نے سُنجا کیتا
ساہت ویڑھا
نالے آل دوال
میری کیہ مجال​

 

[عبدالقیوم چوہدری]

وا وا۔