لقمان پنجابی
محفلین
لاہور-- امریکی سفیر رچرڈ اولسن نےاپنڑے لاہور تے سیالکوٹ دے دوریاں دے ویلے امریکہ تے پاکستان دے درمیان معاشی تعلقات نوں ودھانڑ دی ضرورت تے زور دیتا۔ سفیر رچرڈ اولسن نے سیالکوٹ وچ سیالکوٹ انٹرنیشنل ایئرپورٹ ، سلور اسٹار گروپ تے کے ایم اشرف انڈسٹریز دا دورہ کیتا۔ انہاں نے سیالکوٹ ایوان صنعت تے تجارت دے انتظامی بورڈ نال وی ملاقات کیتی۔ لاہور وچ سفیر رچرڈ اولسن نے امریکی بزنس فورم دے سالانہ عشائیے دے موقعے تے پاکستان وچ امریکی کمپنیاں دی کارکردگی تے کاروباراں نوں مبارکباد دیتی جناں وچ کاروباری سماجی ذمہ داری دے پروگرام وی شامل نے۔
سفیر رچرڈ اولسن نے سیالکوٹ وچ سلور اسٹار دے دورے دے ویلے آکھیا کہ "امریکہ کاروبار نو ودھاوا دینڑ لئی سیالکوٹ تے پاکستان دے چوکھے ہور کاروباری لوکاں نال کھلوتا وے۔ سلور اسٹار ہتھہ نال سیتے ہوئے لگ بھگ 70 فیصدفٹ بال تیارکردی وے جناں نوں امریکی فرم نائیک ویچدی وے۔ انہاں نے ہورآ کھیا کہ امریکہ پاکستان وچ سرمایہ کاری کرنڑ والا سب توں وڈا ملک وے تے پاکستان کسی وی دوجے ملک دے مقابلے وچ زیادہ مصنوعات امریکہ نو برآمد کردا وے۔ سفیر رچرڈ اولسن نے اے گلاں کے ایم اشرف انڈسٹریز دے دورے ویلے زوردے کے اکھیاں، جیڑے ہر سال 20 ملین ڈالر توں زیادہ مالیت دےکھیلاں دے یونیفارم امریکہ نو برآمد کردے نے۔
سفیر رچرڈ اولسن نےپاکستان وچ نجی شعبے دی ٹیک نال بنڑ آلے پہلے بین الاقوامی ہوائی اڈے،سیالکوٹ انٹرنیشنل ایئرپورٹ دی انتظامی ٹیم نو حالیہ تبدیلیاں کرنڑ تے مبارکباد دیتی، جناں کرکےایس ہوائی اڈے تے دس جمبو جہازاں نو لوڈ کرنڑ دی گنجائش پیدا ہوئی وے۔ جیس کرکے ہر سال کئی سو کاروباراں تے دس لکھہ توں بوہتے مسافراں نوں فائدہ ہووے گا۔ سفیر رچرڈ اولسن نےآکھیا کہ اے ایس گل دی کھلی مثال وے کے نجی شعبے دے فنڈز نال کاروباری طبقے دیاں ضرورتاں نوں کیداں پورا کیتا جاسکدا وے۔ سیالکوٹ انٹرنیشنل ایئرپورٹ جنوبی ایشیاء دے دوجے شہراں لئی اک نمونہ وے۔
سفیر رچرڈ اولسن نےسیالکوٹ ایوان صنعت و تجارت دے انتظامی بورڈ نال دوپہر دی روٹی پانڑی تے ملاقات دے ویلے امریکی تے پاکستانی کاروباراں دے وچ تعلقات نوں مزید ودھا دینڑ دے وارے گل بات کیتی۔ اناں نے ایوان دے ممبراں نو یاد دوایا کہ کاروباری لوک یو ایس جنرلائیزڈ سسٹم آف پریفرینسیز (جی ایس پی) توں فائدہ چک سکدے نے، جیدی وجہ نال3500 تو زیادہ پاکستانی شیواں نوں بغیر ڈیوٹی دیتیاں امریکہ لے جانڑ دی اجازت وے۔
سفیر رچرڈ اولسن نے لاہور وچ امریکی بزنس فورم دے سالانہ عشائیے تے پنجاب دے نجی شعبے نال اپنڑیاں ملاقاتاں دا اختتام کاروباری سماجی ذمہ داری دی کوششاں تے پاکستان وچ کم کرنڑ آلیاں امریکی کمپنڑیاں دی سوہنڑی کاروبار ی اخلاقی ریت دا اعتراف کردے ہوئیاں کیتا۔
سفیر رچرڈ اولسن نےاپنے سارے دورے دے دوران ایہو جئے کئی پاکستانی کاروباری لوکاں دیاں مثالاں دیتیا جیناں امریکہ دی مالی ٹیک توں فائدہ چکیا۔ امریکہ معاشی امداد نال کاروباری منصوبیاں دے ذریعے روزگار دے موقعے پیدا کرنڑ تے آمدنڑی ودھاونڑ وچ مدد لبدی وے تے پاکستان دی کھیتی وچ وادھا ہوندا وے۔ امریکی ٹیک نال تجارت وچ سوکھہ لئی سڑکاں بنڑائیاں جا رہیاں نے تے چھوٹے تے درمیانے درجے دے کاروباراں دی ترقی لئی مدد دینڑ لئی نجی سطح تے برابری دی بنیاد تے فنڈ دی سہولت دیتی جاوے گی۔
امریکہ تے پاکستان ولوں پاکستانیاں دی زندگیآں تے چنگے اثر لئی کئی اقدامات دے وارے ہور جان کاری لئی دیتی ہوئی ویب سائٹ نوں ویکھو:
http://islamabad.usembassy.gov/fact-sheets.html
لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
http://www.facebook.com/USDOTPunjabi