اعتزاز احسن کی چھٹی؟

[نبیل]

لگتا ہے کہ پیپلز پارٹی کی وڈیرہ سیاست اپنا اصل چہرہ دکھا رہی ہے۔ چیف جسٹس کی بحالی اور جنرل مشرف کی صدارتی انتخاب میں نااہلیت کے مقدمے کی پیروی کرتے ہوئے اعتزاز احسن ملک میں ایک اہم سیاسی قوت کے طور پر ابھر رہے تھے۔ اس کا اظہار جنگ کے کالم نویس آغا مسعود حسین نے بے نظیر کے لیے لمحہ فکریہ کے عنوان سے کالم میں بھی کیا تھا۔ اور جیسا متوقع تھا، بے نظیر نے ایک مرتبہ پھر ثبوت دیا ہے کہ پیپلز پارٹی محض بھٹو خاندان کی جاگیر ہے اور اس میں کسی جمہوری قوت کی جگہ موجود نہیں ہے۔ جیو ٹی وی پر تجزیہ نگار کامران خان نے اخبارات کے ذرائع سے بتایا کہ بے نظیر نے اعتزاز احسن کی جیل میں خبر پرسی نہیں کی اور نہ ہی انہیں بار کا صدر منتخب ہونے پر مبارک باد پیش کی۔ پاکستان کے بدقسمت عوام کی قسمت میں بس وڈیروں، پیروں، ڈکیتوں کے لیے بحالی جمہوریت کی تحریکیں چلانا رہ گیا ہے۔ بے چارے کارکن ماریں کھاتے ہیں اور اپنے خون کا نذرانہ پیش کرتے ہیں اور لیڈر ان کی کمر پر پاؤں رکھ کر مسند اقتدار پر بیٹھ جاتے ہیں۔

 

[ایچ اے خان]

نبیل ذرا ٹھنڈے ذہن کے ساتھ سوچیں۔
کتنے لیڈر اقتدار کے سنگھاسن پر کتنے عرصے کے لیے بیٹھے ہیں؟ میری یادداشت میں‌صرف ذولفقار علی بھٹو، نواز شریف اور بے نظیر کے نام ہی اتے ہیں جو الیکشن کے نتائج پر اقتدار میں‌ائے۔مجیب الرحمان کوپاکستانی فوج نے اقتدار دیا ہی نہیں۔ یہ لوگ کتنے عرصے تک اقتدار پر رہے۔ تینوں‌ کوملا کر مشکل سے 11، 12سال یا اس سے کچھ زائد بنتے ہیں۔
باقی عرصہ کون حکومت کرتا رہا؟ کون عوام کو اپنے بوٹوں‌تلے کچلتا رہا؟ فوج۔
میں‌یہ نہیں‌کہتا کہ سیاست دان بہت اچھے ہیں۔ مگر اصل برائی کی طرف بھی نظر کیجیے۔ سیاست دانوں‌کا دوغلا طرز عمل بھی فوج کی وجہ سے ہی ہے۔

 

[ساجد]

نبیل ذرا ٹھنڈے ذہن کے ساتھ سوچیں۔
کتنے لیڈر اقتدار کے سنگھاسن پر کتنے عرصے کے لیے بیٹھے ہیں؟ میری یادداشت میں‌صرف ذولفقار علی بھٹو، نواز شریف اور بے نظیر کے نام ہی اتے ہیں جو الیکشن کے نتائج پر اقتدار میں‌ائے۔مجیب الرحمان کوپاکستانی فوج نے اقتدار دیا ہی نہیں۔ یہ لوگ کتنے عرصے تک اقتدار پر رہے۔ تینوں‌ کوملا کر مشکل سے 11، 12سال یا اس سے کچھ زائد بنتے ہیں۔
باقی عرصہ کون حکومت کرتا رہا؟ کون عوام کو اپنے بوٹوں‌تلے کچلتا رہا؟ فوج۔
میں‌یہ نہیں‌کہتا کہ سیاست دان بہت اچھے ہیں۔ مگر اصل برائی کی طرف بھی نظر کیجیے۔ سیاست دانوں‌کا دوغلا طرز عمل بھی فوج کی وجہ سے ہی ہے۔

ہمت بھائی جان ،
آپ کا حال تو ایسا ہے کہ ماروں گھٹنا پھوٹے آنکھ۔
نبیل نے جو لکھا آپ کی بات کا اس سے کوئی تعلق نہیں۔ نہ جانے کیوں آپ کی سوئی پنجاب اور فوج کی مخالفت پر اٹکی ہوئی ہے۔ یہ آپ کا ہی نہیں اکثر جیالوں کا ایسا ہی حال ہے کہ کچھ بھی ہو جائے وہ اپنا ہی راگ الاپتے رہیں گے۔
فوج !!! کہاں سے آتی ہے یہ فوج؟ زمین سے اگتی ہے یا آسمان سے نازل ہوتی ہے؟ یہ ہمارے ہی بھائی بھتیجے ہیں جو اس فوج کے سپاہی ہیں اور ہمارے ہی لئیے اپنی گردنیں تک کٹوا رہے ہیں ۔یہ آپ کی لیڈر کی طرح سے نہ تو سرے محل اور دبئی اسٹیٹس کے مالکان ہیں اور نہ ہی یہ ٹین پرسنٹ ٹائپ چیز ہیں۔ یہ ملک چھوڑ کر خود ساختہ جلا وطنیاں بھی اختیار نہیں کرتے۔ اور دروغ گوئی کے ساتھ ساتھ ملک و قوم کے مفادات کا سودا بھی نہیں کرتے۔ یہ بھارت میں جا کر یہ نہیں کہتے کہ پاکستان بنانا ایک غلطی تھی۔ انہوں نے کبھی سکھ حریت پسندوں کی فہرستیں بھارتی حکومت کو نہیں دی تھیں۔ انہوں نے برطانیہ جا کر دولتِ مشترکہ سے پاکستان کو باہر نکلوانے کے لئیے پرجوش تقریریں نہیں کی تھیں۔ ان کا کوئی بچہ پیدا ہوتے ہی اس غریب قوم کو 40 لاکھ روپے میں کبھی نہیں پڑا۔ ان کے پینے کے لئیے پانی فرانس سے اور تولئیے امریکہ سے نہیں آتے۔ ان کے بچوں کے لئیے فلپائنی آیا نہیں رکھی جاتیں۔ انہوں نے پنجابی اور سندھی کا جھگڑا کبھی نہیں اٹھایا۔انہوں نے اپنوں کی موت کا انتقام پورے پاکستان سے لینے کی بات کبھی نہیں کی۔!!!!!//////////یہ سارے کام کئیے اور کر رہی ہے تو آپ کی محترمہ بے نظیر بھٹو۔جن کو آپ فرشتوں جیسی معصوم ثابت کرنے پر تلے بیٹھے ہیں اور فوج کو شیطان کا اوتار قرار دینے کی سعی کر رہے ہیں۔
کسی نے بھی آپ کو مشرف پر تنقید کرنے سے نہیں روکا۔ اس کا سب سے بڑا ناقد میں خود ہوں لیکن آپ جس کام پر لگے ہوئے ہیں وہ فوج کو بدنام کرنے کا ہے جو بجائے خود بہت غلط ہے۔ فوج ، مشرف کی ذاتی ملکیت نہیں ۔ فوج کا نظم و ضبط ایک فوجی کو بنا سوچے سمجھے اپنے افسران کا حکم بجا لانے کی تربیت دیتا ہے ۔ اور فوج کا ہر فوجی ان آرڈرز کو مشرف کے ذاتی آرڈرز نہیں بلکہ اپنے ادارے کے آرڈر سمجھ کر اس پر عمل کرتا ہے۔ وہ آٹھ ،دس ہزار روپے کی تنخواہ کی خاطر اپنی جان جوکھوں میں ڈالتا ہے اور ہم ائر کنڈیشنڈ کمرے میں بیٹھ کر، نیٹ آن کر کے، ان کے نام پر ایسی ایسی تتلیاں مارتے ہیں کہ شرم کو بھی ہم سے شرم آتی ہو گی۔ اگر فوج میں بھی آپ اسی بد نظمی کو دیکھنے کے خواہاں ہیں کہ جو آپ کی محترمہ کے کلام و کردار میں تضاد کی شکل میں موجود ہے تو معاف کیجئیے گا پھر آپ کے خیالات کو ہرگز سراہا نہیں جا سکتا۔
اٹھئیے اور جائیے پاکستان جا کر پرویز مشرف کو ایوان صدر سے نکال باہر کیجئیے۔ مشرف کو آرمی کا عہدہ چھوڑنے پر مجبور کیجئیے تا کہ کوئی دوسرا آ کر فوج کے جانی نقصان کو روک سکے۔ شروع کیجئیے یہ کام !!! لکھ کر دیتا ہوں کہ سب سے پہلے میں آپ کے ساتھ کھڑا ہوں گا۔ اگر اتنی ہمت نہیں ہے تو خدا کے لئیے ،ہمت بھائی ، فوج کے سپاہیوں کا مورال ڈاؤن مت کیجئیے اور ہوا میں تلواریں چلانا چھوڑ دیجئیے۔ اب یہ مت لکھنا کہ محترمہ یہی کام کر رہی ہے سب جانتے ہیں کہ ڈیل کے اینٹی سیپٹک سلیوشن سے ان کے کتنے گناہ دھوئے گئے ہیں اور ڈیل کس کے ساتھ ہوئی ؟؟؟ اسی مشرف کے ساتھ کہ جو آپ کی فوج کا موجودہ سربراہ ہے۔ اسے ہی کہتے ہیں " دوسروں کو نصیحت ، خود میاں فضیحت"۔

 

[ایچ اے خان]

پتہ نہیں‌تعصب میں‌ اتنا کیوں‌ ڈوب گئے ہیں‌لوگ۔
فوج اس لیے بری ہے کہ فوج نے ائین توڑا ہے اور ادارہ کو بے وقار کیا ہے ۔ عدلیہ کی تذلیل کی ہے اور پاکستان کو دو ٹکڑے کیا ہے۔
جب فوج کا لفظ استعمال ہوتا ہے تو یہ مراد نہیں‌ہوتی کہ سپاہی برے ہیں۔ سپاہی تو حکم کے غلام ہیں۔ بلکہ اس ادارے کے وہ فیصلے برے ہیں‌جس کی وجہ سے یہ حالت ہے۔ بہرحال اس میں‌ اس عمل کے سب حمایتی شامل ہیں‌یعنی وہ حمایتی بھی برے ہیں‌ جو فوج کے برے کام کی حمایت کرتے ہیں۔
جب سامنے نظر ارہاہو کہ گھر جل رہا ہے اور باقی بھی جو بچا ہے تو دل سے اہ نکلتی ہے۔
ویسے تو بھنیس کے اگے بین بجانا وقت کا زیاں‌ہی ہے مگر اس خیال سے لکھ دیا کہ شاید کسی کے دل کی حالت بدلے اور شاید فوج بیرکوں‌تک محدود ہوجائے۔ شاید فوج کرپشن بند کردے۔ شاید منصور الحق ایڈمرل کو جیل ہوجائے اور ان سے جنرلوں‌کے خلاف مقدمہ چلے جھنوں‌ نے ائین توڑا ہے۔

 

[ساجد]

فوج نے پاکستان کو دو ٹکڑے کیا ہے۔

ادھر تم ادھر ہم ۔
" تمہیں بھی یاد ہے کچھ ، یہ کلام کس کا تھا"۔
اور بقول آپ کے سپاہی تو حکم کے غلام ہوتے ہیں۔ پھر قصور وار کون ہوا؟

فوج نے ائین توڑا ہے

یہ کام صرف وردی پہننے والوں ہی نے نہیں کیا ۔ سول ایڈمنسڑیٹرز بھی اس میں ملوث رہ چکے ہیں۔

جب سامنے نظر ارہاہو کہ گھر جل رہا ہے اور باقی بھی جو بچا ہے تو دل سے اہ نکلتی ہے۔

اس آگ پر قابو پانے کا جو طریقہ آپ تجویز کر رہے ہیں وہ بھی غلط ہے۔

ویسے تو بھنیس کے اگے بین بجانا وقت کا زیاں‌ہی ہے

بھینس سمجھے نہ سمجھے بین بجاتے رہنا چاہئیے۔ ہم بھی تو بین بجا ہی رہے ہیں لیکن اب تک ہمت بھائی کو بھی نہیں سمجھا سکے۔

فوج نےعدلیہ کی تذلیل کی ہے

یہی کام کم از کم تمام کے تمام منتخب اور خود کو جمہوری کہلانے والے وزرائے اعظم بھی کر چکے ہیں۔

ہمت بھیا ، فوج سے آپ کی ناراضگی ہم سمجھ سکتے ہیں لیکن معاملات سدھرنے میں وقت اور عقل دونوں کا کافی خرچہ ہوتا ہے۔ سب سے پہلے تو ہمارے سیاستدانوں کو عقل کے ناخن لینے چاہئیں اور فوج کے بار بار اقتدار میں آنے کے اسباب ختم کرنے چاہئیں پھر وقت کے ساتھ ساتھ سابقہ غلطیوں کا مداوا بھی ہوتا جائے گا۔

اب خوش ؟ ، ہمت بھائی۔

 

[ایچ اے خان]

ادھر تم ادھر ہم ۔
" تمہیں بھی یاد ہے کچھ ، یہ کلام کس کا تھا"۔

پھر وہی ڈھاک کے تین پات۔ اگر بھٹو نے یہ کہا بھی تھا تو کیا غلط تھا۔ ادھر عوامی لیگ حکومت بناتی اور ادھر پیپلز پارٹی۔ 90 ھزار فوجیوں‌کا ھتیار تو نہ ڈالنےپڑتے۔ پلٹن میدان میں تھپڑ کھا کر ریوالور دشمن کے حوالے تو نہ کرنا پڑتا۔ گندے لطیفے تو نہ سنانے پڑتے۔
کیا برا تھا اگر کنفیڈریشن سے ملک بچ جاتا۔ ھزاروں‌جانے ضائع تو نہ ہوتیں۔

اور بقول آپ کے سپاہی تو حکم کے غلام ہوتے ہیں۔ پھر قصور وار کون ہوا؟

جب یہ غلام ائین پاکستان کو روند ڈالتے ہیں۔

سب سے پہلے تو ہمارے سیاستدانوں کو عقل کے ناخن لینے چاہئیں اور فوج کے بار بار اقتدار میں آنے کے اسباب ختم کرنے چاہئیں پھر وقت کے ساتھ ساتھ سابقہ غلطیوں کا مداوا بھی ہوتا جائے گا۔

یعنی فوج کی گند بھی سیاست دانوں‌کے کھاتے میں۔
ساری گند فوج ہی کی ڈالی ہوئی ہے اور اگر اب بھی فوج کو عقل نہ ائی تو پاکستان کی سلامتی خدانہ خواستہ خطرے میں‌ہے۔

 

[ساجد]

ہمت بھائی ،
میرا خیال ہے کہ اب ہم دونوں کو کچھ دیر کے لئیے اس موضوع سے ہاتھ اٹھا لینا چاہئیے۔ میرے استاد محترم کہا کرتے تھے کہ جب کوئی مشین سمجھ میں نہ آئے تو ایک ہی وقت میں اس پر زیادہ مغز کھپائی مت کرو ۔ اس کو ویسے ہی رہنے دو اور کوئی دوسرا کام شروع کر دو۔ کبھی کبھی ایسا بھی ہوتا ہے کہ اچانک ہی کوئی آئیڈیا دماغ میں آتا ہے اور جو کام آپ 5گھنٹے میں نہیں سمجھ سکے تھے وہ 5 منٹ میں ہو جاتا ہے۔
کیا خیال ہے فوج اور سیاستدانوں کو ان کے حال پہ چھوڑ کر ہم کسی اور کام کی طرف توجہ نہ دے لیں۔ مثال کے طور پہ کہ ہم اپنے وطن کے لئیے کیا کر سکتے ہیں۔ ہمارے علاقے میں تعلیم ، صحت اور روزگار کی کیا صورت حال ہے اس کو کیسے بہتر کیا جا سکتا ہے؟ بیماریاں پھیلنے کی بڑی وجہ کیا ہے؟ سندھ کی خوبصورت زمین اور اس سے بھی پیارے لوگ کتنے مہمان نواز ہیں۔ بلوچستان کی زمین میں خدائے ذوالجلال نے کتنے خزانے چھپا رکھے ہیں اور ہم نکمے ان کو نکالنے کی اہلیت بھی کیوں نہیں رکھتے؟ پنجاب کے لوگ کیا کھاتے ہیں کہ اتنے موٹے تازے ہوتے ہیں ؟ نہاری کس چیز سے بنتی ہے؟ پراٹھا کس نے ایجاد کیا؟ سرحد کے پٹھان اردو ٹھیک طرح سے کیوں نہیں بول سکتے خاص طور پہ فیروز خان مذکر کو مؤنث کیوں بولتا ہے؟ چپلی کباب کو یہ نام کیوں دیا گیا؟ قصہ خوانی بازار پشاور میں کس قسم کے قصے سنائے جاتے تھے اور یہ قصے کون سناتا تھا ، سامعین کون ہوتے تھے؟
اگر آپ راضی ہوں تو میں نیا دھاگہ کھولتا ہوں ۔ ہم دونوں اپنے اپنے دماغوں کا غبار اور بخار ان موضوعات پر بھی تو نکال سکتے ہیں نا؟؟؟

 

[ایچ اے خان]

۔۔اعتزاز احسن ملک میں ایک اہم سیاسی قوت کے طور پر ابھر رہے تھے۔ اس کا اظہار جنگ کے کالم نویس آغا مسعود حسین نے بے نظیر کے لیے لمحہ فکریہ کے عنوان سے کالم میں بھی کیا تھا۔ اور جیسا متوقع تھا، بے نظیر نے ایک مرتبہ پھر ثبوت دیا ہے کہ پیپلز پارٹی محض بھٹو خاندان کی جاگیر ہے اور اس میں کسی جمہوری قوت کی جگہ موجود نہیں ہے۔ جیو ٹی وی پر تجزیہ نگار کامران خان نے اخبارات کے ذرائع سے بتایا کہ بے نظیر نے اعتزاز احسن کی جیل میں خبر پرسی نہیں کی اور نہ ہی انہیں بار کا صدر منتخب ہونے پر مبارک باد پیش کی۔ پ

ویسے اعتزاز کی چھٹی ہوئی ہو یا نہیں مگر اندر ضرور ہوگیا ہے۔ اور سنا ہے کہ اس پر تشدد بھی ہورہا ہے۔

 

[ساجد]

ہمت بھائی ،
صاحب بہادر سے پھڈا لے کر تشدد نہیں ہو گا تو کیا پھولوں کے ہار پہنائے جائیں گے؟؟؟
برداشت کا تو نام ہی نہیں ہے اس حکومتی اپ سیٹ ( سیٹ اپ ) میں۔

 

[ایچ اے خان]

اس بات سے اتفاق ہے۔ فوجی حکومت ہے نا۔

 

[قیصرانی]

ویسے اعتزاز کی چھٹی ہوئی ہو یا نہیں مگر اندر ضرور ہوگیا ہے۔ اور سنا ہے کہ اس پر تشدد بھی ہورہا ہے۔

تشدد والی بات کا کوئی حوالہ؟

 

[تلمیذ]

تشدد والی بات کا کوئی حوالہ؟

تشدد والی بات واقعی نظر سے نہیں گُزری۔ جیسا کہ زیک نے کسی اور دھاگے میں تاکید کی ہے کہ اس طرح کی کوئی خبر سناتے ہوئے حوالہ ضرور ساتھ ہونا چاہئے تاکہ بات کی سند سامنے ہو ۔

 

[ایچ اے خان]

تشدد والی بات کا کوئی حوالہ؟

جیو ٹی وی پر سنا تھا اس کے کچھ رشتہ دار بیان کررہے تھے۔
صرف سنا تھا۔

 

[قیصرانی]

تشدد والی بات واقعی نظر سے نہیں گُزری۔ جیسا کہ زیک نے کسی اور دھاگے میں تاکید کی ہے کہ اس طرح کی کوئی خبر سناتے ہوئے حوالہ ضرور ساتھ ہونا چاہئے تاکہ بات کی سند سامنے ہو ۔

شکریہ تلیمذ صاحب

 

[قیصرانی]

جیو ٹی وی پر سنا تھا اس کے کچھ رشتہ دار بیان کررہے تھے۔
صرف سنا تھا۔

سنی سنائی پر بھروسہ کرنا اتنا اچھا بھی نہیں‌ہوتا

 

[ایچ اے خان]

ٹی وی پر خبریں‌دیکھنا اور سننے کے علاوہ کوئی اور طریقہ ہو تو بتلایے۔
ہر بات پر بے پر کا اعتراض کرنا بھی درست نہیں۔

 

[زینب]

اب اپ جیو پر بھی نہیں سنا کریں گے کہ جیو خود ہی بند پڑا ہے۔۔۔۔۔۔۔۔۔۔

 

[قیصرانی]

ٹی وی پر خبریں‌دیکھنا اور سننے کے علاوہ کوئی اور طریقہ ہو تو بتلایے۔
ہر بات پر بے پر کا اعتراض کرنا بھی درست نہیں۔

محترم ٹی وی پر دیکھا بھی جاتا ہے نا، تو کوئی پروگرام کا نام یا کہ خبروں میں دیکھا ہو؟

 

[ایچ اے خان]

محترم ٹی وی پر دیکھا بھی جاتا ہے نا، تو کوئی پروگرام کا نام یا کہ خبروں میں دیکھا ہو؟

جناب اس وقت میں‌دوسرے کمرے میں‌تھا اور صرف سن رہا تھا۔
یار اب بس بھی کرو