آپ نہ طالب ہین کہیں دے لوکاں طالب کر دے ہُو - سلطان باہو رحمۃ اللہ علیہ دا عارفانہ کلام

[شمشاد]

(1)
آپ نہ طالب ہین کہیں دے لوکاں طالب کر دے ہُو
چاون کھیپاں کر دے سیپاں قہر توں ناہیں ڈر دے ہُو

عِشق مجازی تِلکن بازی پیر اولّے دھر دے ہُو
اوہ شرمندے ہوسن باہو اندر روز حشر دے ہو
(سلطان باہو)

 

[شمشاد]

(2)
ادھی لعنت دُنیا تائیں ساری دُنیا داراں ہُو
راہ صاحب دے خرچ نہ کیتی لین غضب دیاں ماراں ہُو

پیواں کولوں پُتر کوھاوے پھِٹ دنیا مکاراں ہُو
دُنیا ترک کیتی جنھ باہو لیسَن باغ بہاراں ہُو

اوکھے لفظاں دے معنے
دنیا=(1) خدا توں غافل ہوون دی حالت
(2) جیون وچ ادنیٰ گھٹیا قدراں نوں مُکھ رکھن دا نظریہ
(3)نفس تَن دے سُکھ تے پالنا لئی جمع کیتا گیا مال اسباب
دنیا دار=دنیا نوں مُکھ رکھن والے لوک۔ دین دیاں اعلیٰ قدراں توں وانجے لوگ
صاحِب=مالک/ آقا (اللہ تعالیٰ)
لَیسن= لین گے
غضب دیاں ماراں= پییاں سخت سزاواں
پیواں کولوں پُتر= شہنشاہ جہانگیر نے اپنے پُتر شہزادہ خرم نال کیہ سلوک کیتا
پُتر= ایس دا اُچارن ت اُتے شد دے بغیر اے
پھِٹ= لعنت
مکّاراں= مکارہ،مکر کرن والی تریمت۔مکار رن پھپھے کُٹن
اکھان=مائی مکاراں۔بھیڑ کریں آپے تے ناں لاویں یاراں، اعوان کاری بادشاہ مکاراں سَدا گھینا
ترک کرنا=تعلق واسطہ چھڈ دینا۔اٹنک ہو کے پرانہہ بہ جانا۔ دنیادی ورتن ویہار چھڈ
دنیا دنیاوی حرص لالچ لگ لیڑ چھڈ دینا
لیسن باغ بہاراں۔ اَنَّ لَھُم جَنّٰتِِ تَجّرِی مِن تَحتِھَاالانھٰرُ
نوٹ= جنتی لوگ اپنے رب دا دید وی کرلیسن

 

[شمشاد]

(3)
ازل ابد نوں سہی کیتو سے ویکھ تماشے گُزرے ہُو
چوداں طبق دِلیں دے اندر آتش لائے حجرے ہُو

جنہاں حق نہ حَاصل کیتا دوہیں جہانیں اُجڑے ہُو
غرق ہوئے وچ وحدت باہو ویکھ تِنہاں دے مُجرے ہُو

اوکھے لفظاں دے معنے

ازل =کائنات دے مُڈھ بھجن دا ویلا' جیہڑا مِتھیا نہیں جاسکدا
ابد=کائنات دا ہمیش اِنت رہت ویلا جدوں تائیں کائنات رہسی
سہی کیتوسے=اَساں سمجھ پچھان لیا اے۔ٹ /ک ہ۔و۔گھٹ بہیں چرائی توں ماہیاں
دی سہی کیتا ای کراڑ میاں۔ھ۔وبند نمبر 101 سہی کرن(سندھی)= سمجھ لینا پچھان لینا معلوم کر لینا
ویکھ تماشے گزرے=انسان دے ھڈیں جو واقعات بیتے نیں۔
تماشے گُزرے=کائنات تے انسان دے سرواپرے واقعات، اُجرے=اُجڑے
اوہناں نوں مُکھ رکھ کے میں ازل تے ابد توں پچھان لیا اے۔
چوداں طبق=سَت پاتالاں تے ست آکاشاں دے پردیاں اندر جو کجھ وی ہے۔
حُجرے آتش لاون=حجرے وچ رہنا چھڈ دین۔ حجرے دے چھِلے اعتکاف دی پروا نہ کرن
حجرہ= مسیت وچ بنی وکھری کوٹھڑی۔عبادے لئی بنیا وکھرا کمرہ۔خلقت کولوں پرے دو ریڈا
رہن لئی الگ کمرہ۔خلوت خانہ
لاہی= اُتاری ' ایس دیس توں قادرا اگ لاہیں
(لائے دی تھاں تے لاہی دے امکان تے وی غور ہو سکدا اے)
حق= حقیقت /سچائی(Ultimate Truth)
وحدت وچ فرق ہونا=ماسواء اللہ دا قائل ہونا۔ صرف خدا دے ای وجوددا قائل ہونا
عاشق غرق= بیڑے وحدت وچ ڈب گئے نیں اونہاں دے مجرے ویکھو
مُجرا=ادب نال سلام کرن لئی پیش ہوون دا انداز۔ناچیاں دا اپنا فن دکھا کے سلام کرن دا انداز