جیب کے لحاظ سے پہلے ہفتے کے شروع میں ملنا بے حد نافع ہے۔ اعلیٰ ریسٹورنٹ میں اعلیٰ کھانا۔ تاہم مجبوری ہو تو پھر بھی احتیاطاً پندرہ سے پہلے پہلے تو ضرور ہی مل لینا چاہیے۔ ایک درمیانہ درجے کے ریسٹورنٹ میں درمیانہ درجے کا کھانا ہو سکتا ہے۔
پندرہ کے بعد چائے، برگر یا شوارما۔ بیس کے بعد دہی بڑے اور چائے۔ یا صرف گول گپے۔ پچیس کے بعد چائے میں پاپے ڈبو کے کھائے جا سکتے ہیں۔ اٹھائیس کے بعد "آپ کا مطلوبہ نمبر کسی کے زیر استعمال نہیں ہے۔" سے ہی کام چلایا جا سکتا ہے۔