سب چیزیں آپ کے محسوسات پر منحصر ہوتی ہیں۔ مانا کہ محفل میں اب ہمارا ویسے دل نہیں لگتا اور ہمیں پرانا وقت اور پرانے سنگی ساتھی یاد آتے ہیں۔ لیکن اس میں نئے آنے والوں کا کیا قصور !
محفل کی سرگرمیوں میں کمی کے بعد ہم نے نیٹ پر کچھ اور اردو فورمز کا وزٹ کیا۔۔۔ اوراس نتیجے پر پہنچے کہ زیادہ فورمز اب سائیبریا کے برف زار بن چکے ہیں۔ اردو محفل تو ابھی بھی بہت بہتر ہے
دراصل لوگوں کا بچا کچا وقت فیس بک اور ٹوئیٹر وغیرہ پر صرف ہو جاتا ہے۔
فیس بک پر ایک تصویر اپلوڈ کرکے لوگ چھ چھ بار چکر لگاتے ہیں کتنے لائکس اور کتنے کمنٹس۔
محفل میں ہنسی مذاق کی بہت گنجائش ہے تاہم یہاں پر مجموعی طور پر سنجیدہ لوگوں کی زیادہ اچھی نبھتی ہے۔ اور سنجیدگی کا فقدان ہم سب میں بہت تیزی کے ساتھ ہوتا جا رہا ہے۔
آپ کی بات بالکل بجا ہے۔ میں سمجھتا ہوں کہ عوام کی ایک بڑی تعداد نیٹ کا زیادہ استعمال اپنے ارد گرد موجود مسائل اور پریشانیوں سے کچھ دیر فرار کے لیے استعمال کرتی ہے۔ باقی پڑھنے پڑھانے والے بھی ہیں، وقت گزاری والے بھی اور عشق وشق والے بھی۔۔۔
دنیا بھر سے تنگ آ کر جب بندہ محفل میں آتا ہے تو سیاست و مذہب پر ہونے والی خانہ جنگیاں دیکھ کر اپنا سر پیٹ لیتا ہے۔ اس لحاظ سے دیکھا جائے تو آج کل محفل بہت اچھی جا رہی ہے۔