تعارف سعود عالم ابنِ سعید کا تعارف
- صاحب لڑی ابن سعید
- تاریخ ابتداء
ابن سعید
خادم
ایک بار پھر آپ سبھی احباب کا شکریہ۔
میں قدرے سخت جان واقع ہوا ہوں لہٰذا دہلی کی زبان مجھ پر پچھلے ساڑھے تین سالوں میں بھی چنداں اثر انداز نہ ہو سکی۔ در اصل میرا تعلق لکھنؤ کے نواح میں ایک گاؤں سے ہے اور دہلی میں حصولِ علم کی خاطر آباد ہوں۔
اور یہ کہ انشاءاللہ لینکس کی جانب آپ کا میلان ضرور رنگ لاے گا۔
ماشاءللہ آپ آہی گئے سعود صاحب چلیں آپ دلی کی ٹکسالی زبان تو پڑھنے کو ملے گی اور مکی ، شاکر ، نعمان جیسے لینکس کے دیوانوں کو ایک اور دیوانہ بھی میسر آجائے گا۔
میں بھی ذرا لینکس کی طرف مائل ہو رہا ہوں آجکل۔
میں قدرے سخت جان واقع ہوا ہوں لہٰذا دہلی کی زبان مجھ پر پچھلے ساڑھے تین سالوں میں بھی چنداں اثر انداز نہ ہو سکی۔ در اصل میرا تعلق لکھنؤ کے نواح میں ایک گاؤں سے ہے اور دہلی میں حصولِ علم کی خاطر آباد ہوں۔
اور یہ کہ انشاءاللہ لینکس کی جانب آپ کا میلان ضرور رنگ لاے گا۔
پتہ نہیں یہ کیا بلا ہے لینکس اور ۔۔۔۔۔۔۔۔۔۔۔۔ا ا نام تک بھول گئی میں ۔۔۔۔۔۔۔۔۔۔۔۔۔۔۔۔خوش آمدید ابن سعید صاحب
آپ نئی دہلی سے ہیں پڑھ کے خوشی ہوئی (اس میں بھی اپنی غرض تھی وہ یہ کے دہلی سے کچھ عجیب سا اپنا پن محسوس ہوتا ہے اور وہاں جانے کی بڑی آرزو ہے)
آپ کی ہی field کی اکثریت ہے یہاں پر تو امید ہے کے آپ کا اپنے ہم مزاجوں کے ساتھ اچھا وقت گزرے گا
اسلام و علیکم
آپ نئی دہلی سے ہیں پڑھ کے خوشی ہوئی (اس میں بھی اپنی غرض تھی وہ یہ کے دہلی سے کچھ عجیب سا اپنا پن محسوس ہوتا ہے اور وہاں جانے کی بڑی آرزو ہے)
آپ کی ہی field کی اکثریت ہے یہاں پر تو امید ہے کے آپ کا اپنے ہم مزاجوں کے ساتھ اچھا وقت گزرے گا
اسلام و علیکم
ابن سعید
خادم
شکریہ!
اتنے دنوں بعد ہی سہی
ہم امید کرتے ہیں کہ کبھی نہ کبھی آپ کی یہ آرزو بھی ضرور پوری ہو کر رہے گی۔ ویسے ہمارے دروازے آپ کے لئے ہمیشہ وا ہیں۔
واقعی یہاں میرے ہم مزاجوں کی کمی نہیں ہے۔ یہ اور بات ہے کہ وقت کی قلت کے باعث بہت سارے ایسے سلسلوں میں ابھی تک شرکت نہیں کر سکا ہوں جن سے مجھے جنون کی حد تک عشق ہے بس خاموشی سے پڑھ کے گزر جانا پڑتا ہے۔
ابن سعید
خادم
نہیں خیر میں تو وہیں سے لوٹ آیا تھا بس مصروفیات کے چلتے اب تک اس پکار کا جواب دینے سے قاصر رہا۔
ابن سعید
خادم
درج ذیل اقتباس ایک دوسرے تھریڈ سے ماخوذ ہے، موزونیت کے باعث اسے یہاں پوسٹ کر رھا ہوں۔
میرے گاؤں کا نام امرہوا ہے جو کہ صوبہ اتر پردیش کے بلرام پور ضلع میں آتا ہے۔ یہ لکھنؤ شہر سے تقریباً 200 کلو میٹر دور واقع ہے۔ نیپال کی سرحد سے کافی قریب۔
گاؤں کے قریب سے ایک پہاڑی نالہ بہتا ہے جو کہ برسات کے دنوں میں انتہائی غضبناک ہو جاتا ہے جبکہ گرمی کے دنوں میں بمشکل پانی کی ایک باریک سی لکیر بہتی نظر آتی ہے اور کبھی کبھار تو وہ بھی نہیں۔ نالے کے پاس سے گزرتے ہوئے اگر پیاس لگ جائے تو نالے کی ریتیلی زمین میں ہاتھ سے تقریباً 1 فٹ گہرا گڑھا کھود کر صاف اور نتھرا ہوا پانی حاصل کیا جا سکتا ہے۔ جسے عموماً ہاتھ اور گھٹنے ٹیک کر چوپایوں کی مانند پینا پڑتا ہے۔
تقریباً 12 کلو میٹر کی دوری پر پہاڑی سلسلوں کا آغاز ہو جاتا ہے، اس سے قبل گھنے جنگلات کا سلسلہ ہے جن میں ساںبھر، چیتل، ہرن، نیل گائے وغیرہ کے شکار بکثرت دستیاب ہوتے ہیں۔
گاؤں کی اکثریت گنے کی کھیتی کرتی ہے، اس کے علاوہ ذاتی استعمال کے لئے دھان، گیہوں، چنا، مٹر، مسور، اڑد، جوار، باجرہ، مکئی اور سبزیوں وغیرہ کی کاشت بھی کی جاتی ہے۔ غریبی عام ہے پڑھائی لکھائی کا کوئی خاص نظم نہیں ہے لہٰذا نو عمروں کا رجحان گائے اور بکری جیسے مویشی پالنا یا تلاش معاش کی خاطر ممبئی جیسے شہروں کی طرف کوچ کر جانا ہے۔ میرا گاؤں ابھی مشینی دور کی بجلی جیسی سہولت سے بھی نا آشنا ہے۔ مجھے یاد ہے کہ اب سے کوئی 4-5 سال قبل مجھے گاؤں میں موبائل فون کے استعمال کے لئے گاڑیوں میں لگنے والی 12 وولٹ کی بیٹری کا استعمال کرنا پڑتا تھا اور ہر ہفتے اس بیٹری کو تشحین کے لئے قریبی قصبے تک بھیجنا پڑتا تھا۔
میں ایسے ماحول سے نکل کر انجنیئرنگ تک کیسے آ پہوںچا یہ ایک الگ داستان ہے جسے کسی اور وقت کے لئے اٹھا رکھتا ہوں۔
شمشاد نے کہا:
میرے گاؤں کا نام امرہوا ہے جو کہ صوبہ اتر پردیش کے بلرام پور ضلع میں آتا ہے۔ یہ لکھنؤ شہر سے تقریباً 200 کلو میٹر دور واقع ہے۔ نیپال کی سرحد سے کافی قریب۔
گاؤں کے قریب سے ایک پہاڑی نالہ بہتا ہے جو کہ برسات کے دنوں میں انتہائی غضبناک ہو جاتا ہے جبکہ گرمی کے دنوں میں بمشکل پانی کی ایک باریک سی لکیر بہتی نظر آتی ہے اور کبھی کبھار تو وہ بھی نہیں۔ نالے کے پاس سے گزرتے ہوئے اگر پیاس لگ جائے تو نالے کی ریتیلی زمین میں ہاتھ سے تقریباً 1 فٹ گہرا گڑھا کھود کر صاف اور نتھرا ہوا پانی حاصل کیا جا سکتا ہے۔ جسے عموماً ہاتھ اور گھٹنے ٹیک کر چوپایوں کی مانند پینا پڑتا ہے۔
تقریباً 12 کلو میٹر کی دوری پر پہاڑی سلسلوں کا آغاز ہو جاتا ہے، اس سے قبل گھنے جنگلات کا سلسلہ ہے جن میں ساںبھر، چیتل، ہرن، نیل گائے وغیرہ کے شکار بکثرت دستیاب ہوتے ہیں۔
گاؤں کی اکثریت گنے کی کھیتی کرتی ہے، اس کے علاوہ ذاتی استعمال کے لئے دھان، گیہوں، چنا، مٹر، مسور، اڑد، جوار، باجرہ، مکئی اور سبزیوں وغیرہ کی کاشت بھی کی جاتی ہے۔ غریبی عام ہے پڑھائی لکھائی کا کوئی خاص نظم نہیں ہے لہٰذا نو عمروں کا رجحان گائے اور بکری جیسے مویشی پالنا یا تلاش معاش کی خاطر ممبئی جیسے شہروں کی طرف کوچ کر جانا ہے۔ میرا گاؤں ابھی مشینی دور کی بجلی جیسی سہولت سے بھی نا آشنا ہے۔ مجھے یاد ہے کہ اب سے کوئی 4-5 سال قبل مجھے گاؤں میں موبائل فون کے استعمال کے لئے گاڑیوں میں لگنے والی 12 وولٹ کی بیٹری کا استعمال کرنا پڑتا تھا اور ہر ہفتے اس بیٹری کو تشحین کے لئے قریبی قصبے تک بھیجنا پڑتا تھا۔
میں ایسے ماحول سے نکل کر انجنیئرنگ تک کیسے آ پہوںچا یہ ایک الگ داستان ہے جسے کسی اور وقت کے لئے اٹھا رکھتا ہوں۔
ایم اے راجا
محفلین
سعود صاحب بہت شکریہ،
اللہ آپ کے علم میں مزید اضافہ فرمائے، آپ کو ادب خاص طور پر شاعری سے کس حد تک لگائو ہے ؟
اللہ آپ کے علم میں مزید اضافہ فرمائے، آپ کو ادب خاص طور پر شاعری سے کس حد تک لگائو ہے ؟
ابن سعید
خادم
تمام تعریفیں اس ذات باری کو لائق و زیبا ہیں جس نے مجھے اپنے ہم مزاجوں کے بیچ لا کھڑا کیا!
اگر ادب کو اردو ادب کے زمرے میں رکھ کر بات کروں تو بچپن سے ہی گھر والوں سے چھپ چھپا کے اردو رسالے اور کتابیں پڑھنے کا چسکا رہا ہے۔ ذرا متجسس قسم کا آدمی ہوں اس لئے ہر اس شئے کا جائزہ لینے کہ کوشش کرتا تھا جس کے بارے میں کوئی یہ کہہ دے کہ یہ شئے ابھی میرے قابل نہیں ہے۔
غالباً پاںچویں جماعت میں تھا جب پہلی بار ابن صفی مرحوم کا "گیارہوں زینہ" پڑھا اس کے بعد "عقابوں کے حملے" اور پھر یہ سلسلہ چل نکلا اب تو ابن صفی مرحوم کی شاید ہی کوئی تخلیق ہو جو ایک سے زائد بار نہ پڑھ چکا ہوں۔ نصف تاریخی ناولوں میں سب سے پہلے عنایت اللہ التمش صاحب کی "داستان ایمان فروشوں کی" سے شروعات کی او اب تک غالباً تین بار پاںچوں جلدیں تمام کر چکا ہوں۔ ہما، تلاش جدید اور بحالت مجبوری پاکیزہ آنچل کا قاری ہوں۔
شاعری علامہ اقبال کی پسند کرتا ہوں اور ایک ایک شعر پر گھنٹوں سر دھنتا ہوں۔
تک بندیاں کرنے کی عادت بچپن کی ہے۔ 8-9 سال کا تھا جب جس مدرسے میں پڑھتا تھا چھوٹی بحر میں اس کا ترانہ لکھا تھا۔ انھیں دنوں پہیلی قسم کی بھی کچھ تک بندیاں کیں۔ مدرسے میں پڑھنے کے باوجود سائنسی موضوعات ہمیشہ میری دلچسپی رہے، بیچ میں ایک دور ایسا بھی آیا جب شعبدہ بازی کے تئیں بہت رغبت رہی۔ اب حال یہ ہے کہ سیکڑوں میجک ٹرکس پر اٹھارٹی ہوں۔ بہر کیف ڈھیروں تک بندیاں شعبدے بازی اور سائنس کی نذر کیں۔ جو کہ لکھنے کی عادت نہ ہونے کے باعث اب محفوظ نہیں ہیں۔
ایک جریدہ بنام "اظہار حق" کا مدیر اعلیٰ ہوں پر اس کو وقت نہیں دے پاتا۔
بقیہ باتیں انشاء اللہ پھر کبھی۔
ابن سعید
خادم
السلام علیکم
آپ میرے لیے اب نئے نہین رہے پر میں تو آپ کو formally خوشآمدید نہین کیا سو خوش آمدیدمحفل مین کوئی باغ نہین ورنہ پھوٌل بھی پیش کرتی۔
جادو ٹپس مجھے بھی سیکھنا ہیں۔
بہت بہت شکریہ اپیا!
محفل بجائے خود ایک گلشن ہے لہٰذا پھولوں کی پروا کسے ہے۔
ویسے بھی میں شعبدہ باز ٹھہرا تو خزاں میں بھی فصل گل کی رونقیں بکھیرنا میرے لئے کچھ ایسا مشکل امر نہیں ہونا چاہئے طرہ یہ کہ فصل بہار بھی ہے۔
برا ہو اس دن کا جب میں نے اس بات کا اعلان کیا کہ میجک ٹرکس پر بھی اتھارٹی ہوں
پر آپ تو جانتی ہی ہیں کہ بتا دینے پر جادو کا اثر جاتا رہتا ہے۔ اس لئے اس بات کے امکان کم ہیں۔