ربیع م
محفلین
ترجمہ:
نئے سال کا آغاز ، نیا عہد ، نیا عزم اور نئے حوصلے
ان سب کے درمیان
ایک اور خوشخبری یہ
کہ
ہمارے قابل قدر بھائی ، فاضل استاد محفل کی رونق اور عظیم شاعر محترم راحیل فاروق یک ہزاری منصب پر فائز ہو گئے ہیں ، اگرچہ یہ منصب ان کے مقام علم اور قابلیت کے سامنے کچھ حیثیت نہیں رکھتا ، اور ان کا ایک ایک مراسلہ اپنے اندر سینکڑوں مراسلوں جتنا مفید اور سبق آموز مواد سموئے ہوتا ہے ، لیکن محفل کی اس رسم کو نبھاتے ہوئے اور کچھ ہمیں مبارکباد کا بہانہ میسر آگیا ، اور کچھ تحریض کا موقع مل گیا کہ ہم اپنے بھائی اور استاد سے درخواست کریں کہ خدارا اگلے ہزاری منصب تک پانچ سال نہیں بلکہ پانچ ماہ میں پہنچیں ۔
چنانچہ اس موقع پر ہمیں انھیں دل کی گہرائیوں سے بہت بہت مبارک باد پیش کرتے ہیں ۔
سچ کہوں تو مبارک باد کا لفظ مجھے بہت چھوٹا اور رسمی سا معلوم ہوتا ہے ، میرے دل میں ان کیلئے محبت احترام اور قدردانی کے جذبات واحساسات اس قدر زیادہ ہیں کہ ان کو بیان کرنے کے لیے میرے پاس الفاظ نہیں ، اور میرے خیال میں یہ صرف میرے احساسات نہیں ہیں بلکہ ہر علم دوست شخص کے یہی احساسات ہوں گے ، ہر شخص سے نظریات ، خیالات اور جزئیات میں اختلاف لازمی امر ہے ، لیکن حق یہ ہے کہ یہ اختلاف احترام میں مانع نہیں بلکہ اس سے احترام میں مزید اضافہ ہوتا ہے ۔
اس کے ساتھ ساتھ ہم اللہ سے دعا کرتے ہیں کہ اللہ رب العزت ان کے علم و عمل میں برکت عطا فرمائے اور ہمیں بھی موقع دے کہ ہم ان کے علم سے زیادہ سے زیادہ فائدہ حاصل کر سکیں ۔
(پشتو)
مدیر کی آخری تدوین:
