مجھے ایسا محسوس ہوتا ہے کہ شریف بردران اپنی جلاوطنی میں کراچی والوں کو بھی موردِالزام ٹہراتے ہیں ۔ بنیادی طور پر کاروباری ذہن کے مالک ہیں اس لیئے انہیں کراچی میں خاطر خواہ کوئی ایسی اُمید کی کرن نظر نہیں آرہی ہے کہ وہ اپنی رٹ کاروباری اصولوں پر قائم کرسکیں کہ وہاں پیپلز پارٹی کے بعد ایم کیو ایم نظر آرہی ہے ۔ یہی وجہ ہے کہ چین سے ایک بڑا معاہدہ کرنے کے باوجود کراچی میں کسی تعمیری ترقی یا کسی ایسی شاہراہ کا نام سننے میں نہیں آیا جو کراچی سے شروع ہوکر ملک کے کسی اور حصے میں جاتی ہو ۔ ہر لحاظ سے کراچی کو انتقاماً نظرانداز کیا جا رہا ہے ۔ یہ کوئی مثبت رویہ نہیں ہے ۔ بظاہر ایسا محسوس ہوتا ہے کہ پیپلز پارٹی کے بعد جو کچھ بچ گیا ہے ۔ اس سے انہیں شدید مایوسی ہوئی ہے ۔ مایوسی کا عالم یہ ہے کہ وزیرِ اعظم نے اب تک قوم سے کوئی خطاب نہیں کیا ہے ۔ حالات سنگین ہیں ۔ اللہ رحم کرے ۔
