’’دستور‘‘ - زہرہ نگاہ کی ایک نظم - سنا ہے جنگلوں کا بھی کوئی دستور ہوتا ہے

[مغزل]

(زہرہ نگاہ کی ایک نظم جو پچھلے کافی ہفتوں سے حواس پر طاری ہے ، سہوِ حافظہ سے پیش کرنے کی جسارت کررہا ہوں)

’’دستور‘‘

سنا ہے جنگلوں کا بھی کوئی دستور ہوتا ہے
سنا ہے شیر کا جب پیٹ بھر جائے
تو وہ حملہ نہیں‌کرتا
سنا ہے جب
کسی ندی کے پانی میں
بئے کے گھونسلے کا گندمی سایہ لرزتا ہے
تو ندی کی روپہلی مچھلیاں‌اس کو پڑوسن مان لیتی ہیں
ہوا کے تیز جھونکے جب درختوں کو ہلاتے ہیں‌
تو مینا اپنے گھر کو بھول کر
کوےکے انڈوں کو پروں‌سے تھام لیتی ہے
سناہے گھونسلے سے جب کوئی بچہ گر ے تو
سارا جنگل جاگ جاتا ہے
ندی میں باڑ آجائے
کوئی پُل ٹوٹ جائے تو
کسی لکڑی کے تختے پر
گلہری ، سانپ ، چیتا اور بکری ساتھ ہوتے ہیں
سنا ہے جنگلوں کا بھی کوئی دستور ہوتا ہے

خداوندِ جلیل و معتبر ، دانا و بینا منصف و اکبر
ہمارے شہر میں اب
جنگلوں کا ہی کوئی دستور نافذ کر !!
(زہرہ نگاہ)

 

[محمداحمد]

سبحان اللہ!

 

[مغزل]

جزاک اللہ ، سلامت رہو بھیا

 

[لالہ رخ]

​

سُنا ہے جنگلوں کا بھی کوئی دستور ہوتا ہے​

سُنا ہے شیر کا جب پیٹ بھر جائے تو وہ حملہ نہیں کرتا​

درختوں کی گھنی چھائوں میں جا کر لیٹ جاتا ہے​

ہوا کے تیز جھونکے جب درختوں کو ھلاتے ہیں​

تو مَینا اپنے بچے چھوڑ کر کوئے کے بچوں کو​

پَروں سے ڈھانپ لیتی ہے​

سُنا ہے گھونسلے سے کوئی بچہ گِر پڑے تو​

سارا جنگل جاگ جاتا ہے​

سُنا ہے جب کِسی ندی کے پانی میں بَئے کے گھونسلے کا گندمی سائہ لرزتا ہے​

تو ندی کی رَوپہلی مچھلیاں اُس کو پڑوسی مان لیتی ہیں​

کوئی طوفان آجائے ، کوئی پُل ٹوٹ جائے​

تولکڑی کے ِکِسی تختے پر گلہری ، سانپ ، بکری اور چیتا ساتھ ہوتے ہیں​

سُنا ہے جنگلوں کا بھی کوئی دستور ہوتا ہے​

خُدا وندا ، جلیل و معتبر ، دانا و بِینا ، منصف و اکبر​

میرے اِس شہر میں اب جنگلوں کا ہی کوئی قانون نافذ کر​

سُنا ہے جنگلوں کا بھی کوئی دستور ہوتا ہے۔۔۔​

​

​

 

[شمشاد]

بہت ہی خوبصورت نظم ہے کہ جنگلوں کا بھی کوئی دستور ہوتا ہے۔

بہت شکریہ شریک محفل کرنے کا۔

 

[سیدہ شگفتہ]

بہت خوبصورت!

سُنا ہے گھونسلے سے کوئی بچہ گِر پڑے تو
سارا جنگل جاگ جاتا ہے

 

[محسن وقار علی]

​

سُنا ہے جنگلوں کا بھی کوئی دستور ہوتا ہے​

سُنا ہے شیر کا جب پیٹ بھر جائے تو وہ حملہ نہیں کرتا​

درختوں کی گھنی چھائوں میں جا کر لیٹ جاتا ہے​

ہوا کے تیز جھونکے جب درختوں کو ھلاتے ہیں​

تو مَینا اپنے بچے چھوڑ کر کوئے کے بچوں کو​

پَروں سے ڈھانپ لیتی ہے​

سُنا ہے گھونسلے سے کوئی بچہ گِر پڑے تو​

سارا جنگل جاگ جاتا ہے​

سُنا ہے جب کِسی ندی کے پانی میں بَئے کے گھونسلے کا گندمی سائہ لرزتا ہے​

تو ندی کی رَوپہلی مچھلیاں اُس کو پڑوسی مان لیتی ہیں​

کوئی طوفان آجائے ، کوئی پُل ٹوٹ جائے​

تولکڑی کے ِکِسی تختے پر گلہری ، سانپ ، بکری اور چیتا ساتھ ہوتے ہیں​

سُنا ہے جنگلوں کا بھی کوئی دستور ہوتا ہے​

خُدا وندا ، جلیل و معتبر ، دانا و بِینا ، منصف و اکبر​

میرے اِس شہر میں اب جنگلوں کا ہی کوئی قانون نافذ کر​

سُنا ہے جنگلوں کا بھی کوئی دستور ہوتا ہے۔۔۔​

​

​

آپ مجھ سے بازی لے گئیں۔
میں نے کل یہ نظم پوسٹ کرنے کا ارادہ کیا تھا پھر بجلی چلی گئی

 

[باباجی]

واہ واہ بہت ہی خوبصورت کلام شیئر کیا آپ نے

میرے اِس شہر میں اب جنگلوں کا ہی کوئی قانون نافذ کر
سُنا ہے جنگلوں کا بھی کوئی دستور ہوتا ہے۔۔۔

 

[پردیسی]

بہت خوب ہے

 

[لالہ رخ]

آپ مجھ سے بازی لے گئیں۔
میں نے کل یہ نظم پوسٹ کرنے کا ارادہ کیا تھا پھر بجلی چلی گئی

ہاہاہاہا۔۔۔۔ میں نے آج پڑھی اور پوسٹ کر دی۔

 

[لالہ رخ]

انور مقصود نے یہ نظم کراچی کے حالات پر لکھی تھی اور ہمارے پورے معاشرے کی عکاسی کرتی ہے۔

 

[ماروا ضیا]

عمدہ نظم

 

[لالہ رخ]

پسندیدگی کا شکریہ

 

[نیرنگ خیال]

عمدہ شراکت۔۔ پڑھی تو بارہا ہے۔ اور ہر بار اس شاعری کی صداقت پر ایمان بڑھ جاتا ہے۔ بہت شکریہ

 

[فاتح]

زبردست شراکت ہے۔

 

[سید زبیر]

بہت خوب
سُنا ہے جنگلوں کا بھی کوئی دستور ہوتا ہے
خُدا وندا ، جلیل و معتبر ، دانا و بِینا ، منصف و اکبر
میرے اِس شہر میں اب جنگلوں کا ہی کوئی قانون نافذ کر
سُنا ہے جنگلوں کا بھی کوئی دستور ہوتا ہے۔۔۔
تقدیر کے قاضی کا یہ فتویٰ ہے ازل سے
ہے جرم ضعیفی کی سزا مرگ مفاجات

 

[تلمیذ]

مجھے شک سا پڑتا ہے،(لیکن یقین نہیں) کہ یہ نظم زہرہ نگاہ کی ہے۔ یا پھر ان کی اس ے ملتی جلتی کوئی نظم ہے۔ جناب محمد وارث صاحب سے گذارش ہے کہ اس مخھمصے میں مدد کریں۔

 

[ام نور العين]

جی انور مقصود کی نہیں ہے کم از کم ۔

 

[فرخ منظور]

مجھے شک سا پڑتا ہے،(لیکن یقین نہیں) کہ یہ نظم زہرہ نگاہ کی ہے۔ یا پھر ان کی اس ے ملتی جلتی کوئی نظم ہے۔ جناب محمد وارث صاحب سے گذارش ہے کہ اس مخھمصے میں مدد کریں۔

جی آپ درست فرما رہے ہیں تلمیذ صاحب! میں یہ نظم انور مقصود کی بہن زہرا نگاہ کی زبانی سن چکا ہوں۔

 

[لالہ رخ]

جی آپ درست فرما رہے ہیں تلمیذ صاحب! میں یہ نظم انور مقصود کی بہن زہرا نگاہ کی زبانی سن چکا ہوں۔

میں نے ایک ٹی-وی پروگرام میں انور مقصود کی زبانی سنی تھی اور ایک دو جگہ ان ہی کے نام سے پڑھی بھی۔ پھر بھی غلطی ہو سکتی ہے انتظامیہ سے گزارش ہے میری کہ تصدیق کے بعد اس کو تبدیل کر دیا جائے۔